Avropa Birliyi Gürcüstanı qapı arxasında qoydu...
Kp.ru: “Hamı başa düşür ki, bu, Tiflisin rusofob xoruya qoşulmadığına və anti-Rusiya sanksiyaları tətbiq etmədiyinə görə Avropanın cəzasıdır”
Avropa Komissiyası Gürcüstana Avropa İttifaqına namizəd statusunun verilməsini tövsiyə etməyib. Ukraynaya heç bir şərt olmadan belə bir statusun verilməsi tövsiyə olundu, Moldovaya bir sıra tələblər irəli sürdü, lakin onları da ümidlərinin kəsmədilər, Gürcüstana isə qapı arxasında “növbə verildi”. Gürcüstanın baş naziri İrakli Qaribaşvili sonadək ölkəsinin Avropa Birliyinə namizədliyinin təsdiqi üçün Moldova və Ukraynadan fərqlənmədiyinin sübut etməyə çalışması da səmərə vermədi.
Rusiya mediası idda edir ki, Gürcüstana bu münasibətin səbəbi demokratiyanın vəziyyətində və aparılan islahatların sayında deyil, Rusiyaya münasibətdədir.
“Hamı başa düşür ki, bu, Gürcüstanın rusofob xoruya qoşulmadığına, öz suveren mövqeyini saxladığına və anti-Rusiya sanksiyaları tətbiq etmədiyinə görə Avropanın cəzasıdır. Onlar heç bir şərt olmadan namizədlik statusunu ərazisində müharibə gedən Ukraynaya verməyə hazırdırlar, baxmayaraq ki, Kiyev söz azadlığı, şəxsi mülkiyyət və “sivil” dünyanın digər fundamental dəyərlərə qarşı elə addımlar atır ki, hətta bolşeviklər məzarlarında paxıllıqdan dişlərini qıcayarlar. Aİ praktiki olaraq etiraf etdi ki, İttifaqa daxil olmaq üçün əsas meyar təkcə siyasi loyallıq deyil, rusofobiyadır” deyə, kp.ru-nun təhlilində deyilir.
Bildirilir ki, Aİ-nin Gürcüstana münasibətində belə kardinal mövqe dəyişikliyi məhz Tiflisin Rusiya ilə münasibətlərdə daha balanslı siyasət yeritməyə başlamasından sonra baş verib:
“Tiflisin anti-Rusiya siyasəti üçün Saakaşvilinin yaratdığı açıq şəkildə qərbyönlü Vahid Milli Hərəkata, Gürcüstanda özünü hələ də suda balıq kimi hiss edən Sorosa və digər Qərb QHT-lərin çoxsaylı strukturlarına yüz milyonlarla dollar sərmayə qoyuldu. Hamısı birlikdə küçə etirazları təşkil edir, eyni zamanda, ayrılan maliyyə vəsaitlərini mütəmadi olaraq şəxsi mənafeləri üçün oğurlayırlar. Amma Qərb bu oğurluğa göz yumur. Eyni zamanda, Qərb böhrandan heç cür çıxa bilməyən Gürcüstan iqtisadiyyatına kömək etmək üçün heç nə etmədi”.
Nəşr yazır ki, Rusiya da Tiflislə münasibətləri normallaşdırmağa hazırdır ki, bu da Gürcüstan iqtisadiyyatının inkişafına stimul verə bilər:
“Qərbin onu saldığı Avroatlantik tələdən çıxarıb-çıxarmayacağı Tiflisdən asılıdır. Əsas vəzifəsi üçüncü ölkələrlə Moskva arasında daimi qarşıdurma yaratmaq olan Aİ Gürcüstanın “ağıllanması” və real olaraq bu tələdən qurtulması üçün əlindən gələni etdi. Sonrakı addımlar Gürcüstanın özündən asılıdır. Daha çox deyək, Rusiya həmişə dediyi kimi və indi də öz sözlərindən dönmür, Tbilisi ilə münasibətləri normallaşdırmağa hazırdır. Xarici siyasətdə davam edən rusofob təzahürlərinə baxmayaraq, Rusiya və Gürcüstan arasında çoxlu ümumi cəhətlər var - bu, məsələn, xristian dəyərlərinə sadiqlikdir. Xoşbəxtlikdən indi Gürcüstanda anti-Rusiya tarixinin intensivliyi müəyyən qədər azalıb. Kiyevin özü də buna öz “töhfəsini” verib, Tiflisi davamlı olaraq Ukraynaya qarşı müxtəlif növ günahlarda və “cinayətlərdə” ittiham etməkdə davam edir.”
