Prezidentin Şuşa səfəri və "Xarıbülbül" musiqi festivalının əhəmiyyəti...
Prezident İlham Əliyevin Şuşaya səfəri və “Xarıbülbül” musiqi festivalının açılışı tarixi hadisədir. 1989-cu ildən başlayaraq keçirilməyə başlayan Şuşa festivalı vaxtilə dünyanın diqqət mərkəzində olub və 1992-ci ilə qədər hər ilin may ayında “Xarıbülbül” festivalı böyük dövlətlərinin iştirakı ilə keçirilib.
Festival Azərbaycan mədəniyyətinin, tarixinin və ədəbiyyatının təqdimatı baxımından mühüm rol oynayıb. Ona görə də, ölkənin Mədəniyyət paytaxtı elan olunan Şuşada tarixi ənənənin bərpası ciddi hadisədir.
Şuşa 44 günlük Vətən Müharibəsinin simvoludur.
“Xarıbülbül” festivalının siyasi əhəmiyyəti böyükdür. Prezidentin Naxçıvan səfəri, ardınca Rusiyanın XİN rəhbəri Lavrovu qəbul etməsi, bu günkü Şuşa səfəri onun çevik, prinsipial və effektiv addımlarının və Qarabağ məsələsində milli mövqeyimizə ziddi olan ən kiçik qərarın belə verilməyəcəyinin və diplomatik müstəvidə dövlətimizin tələblərinin heç bir güzəştsiz olmadan yerinə yetiriləcəyinin göstəricisidir.
Prezidentin Şuşa asəfəri zamanı yolüstü Xocavənddə çay içərkən “Cıdır düzündə çay içmişik, indi isə Xocavənddə çay içirik” deməsi, xüsusi və perspektivli əminlikdən xəbər verir və bunu diplomatik masada qalibiyyətimizi təmin edən mesaj kimi dəyərləndirmək olar.
İşlər pis getmir, əhval-ruhiyyə yaxşıdırsa, deməli, Lavrovun Bakı səfəri zamanı da bizim istəklərimizdən, iradəmizdən kənar heç nə baş verməyib və verə də bilməz.
Qarşıda Zəngəzur dəhlizi var və bu məsələdə də Prezidentin mövqeyi kifayət qədər qətiyyətli və konkretdir.
Erməniləri narahat edən məqamlar çoxdur. Özlərini “Qarabağ klanı” adlandıran bir qrup erməni-terror qruplaşmasının "siyasi başları"nın, Xocalı qatillərinin revanş istəkləri də tamamilə məzara gömülüb. Daha onların sitinad edəcəkləri “erməni həqiqətləri” qalmayıb.
Ermənistanı müdafiə edən bəzi dövlətlərin “Biz güclüyüksə, Ermənistan haqlıdır” mövqeyi də Azərbaycanın “Haqlı kimdirsə, güclü də odur” prinsipiallığı ilə tamamilə effektsiz hala gətirilib.
Samir Feyruzov
