Keçmiş SSRİ və region ölkələrində maaşlar - Azərbaycan sonunculardandır
Keçmiş SSRİ və region ölkələrində nominal orta aylıq əməkhaqqına görə ilk sırada Litva qərarlaşıb.
“Tradingeconomics” portalı xəbər verir ki, Litvada orta aylıq əməkhaqqı 2 min 685 dollara (2 336 avro) bərabər olub.
Litvadan sonra ikinci sırada Estoniya yer alıb. Bu ölkədə orta aylıq əməkhaqqı 2 min 62 dollar (2 370 avro) olub.
Azərbaycan bu siyahıda 11-ci sırada yer alıb. Azərbaycanda orta aylıq əməkhaqqının məbləği 614 dollar (1 044 manat) olub.
Ermənistanda isə orta aylıq nominal əməkhaqqı Azərbaycanla müqayisədə 116 dollar çox olub. Belə ki, Ermənistanda orta aylıq əməkhaqqının məbləği 730 dollar (284 532 dram) təşkil edib.
Keçmiş SSRİ və region ölkələrində orta aylıq nominal əməkhaqqı aşağıdakı kimi olub:
Litva – 2 336 avro (2 685 dollar);
Estoniya – 2 062 avro (2 370 dollar);
Türkiyə - 59 200 lirə (1 546 dollar);
Latviya – 1 325 avro (1 523 dollar);
Rusiya – 88 981 rubl (1 094 dollar);
Moldova – 15 024 (868 dollar);
Qazaxıstan – 434 982 tengə (840 dollar);
Gürcüstan – 2 218 lari (809 dollar);
Belarus – 2 428 rubl (742 dollar);
Ermənistan – 284 532 dram (730 dollar);
Azərbaycan – 1 044 manat (614 dollar);
Qırğızıstan – 39 342 som (452 dollar);
Tacikistan – 2 960 somani (280 dollar).
Onu da bildirək ki, keçmiş SSRİ və region ölkələrindən olan İran, Türkmənistan və Ukrayna ilə bağlı məlumatlar açıqlanmayıb. Özbəkistan ilə bağlı sonuncu məlumat isə 2023-cü ilə aid olduğu üçün siyahıya daxil edilməyib.
