"Davam" sədrinin Ankara səfəri başa çatıb - FOTOLAR
"Davam” Gənclər Hərəkatının sədri Nihad Allahyarlının 27-30 sentyabr tarixlərində baş tutan Türkiyə Respublikasının paytaxtı Ankara şəhərinə işgüzar səfəri başa çatıb.
"Azsiyaset" xəbər verir ki, səfər çərçivəsində növbəti görüş Xaricdəki Türklər və Əqrəba İcmaları İdarəsinin başqanı Abdullah Erenlə baş tutub.
Görüş zamanı "Davam” Gənclər Hərəkatının fəaliyyəti haqqında geniş məlumat verən Nihad Allahyarlı daha sonra YTB-nin türk dövlətlərində gənclər üçün təqdirəlayiq işlər gördüyünü qeyd edib və hərəkatın Türkiyədə yaşayan gənclərlə Azərbaycanda yaşayan gənclərin işbirliyinin daha da yüksəldilməsi istiqamətində layihələr ərsəyə gətirməkdə maraqlı olduğunu dilə gətirib.
Öz növbəsində Xaricdəki Türklər və Əqrəba İcmaları İdarəsinin başqanı Abdullah Eren idarə tərəfindən həyata keçirilən “Türkiyə bursları”nın Azərbaycanda çox populyar olduğunu qeyd edib, həmçinin liderlik, media və digər mövzulardan bəhs edən tematik layihələr çərçivəsində birgə əməkdaşlıq perspektivlərindən danışıb. Azərbaycan gəncliyinin Türkiyənin tarixi yerlərini gəzməsi, görməsi və tanıması üçün müxtəlif səfər proqramları bazasında işbirliyi imkanlarından bəhs olunub, “Teknofest” – Aerokosmik və Texnologiya Festivalında Azərbaycandan olan gənclərin təmsil olunmasına təşviq edilməsinin önəmli olduğunu vurğulayıb.
Görüş xatirə fotolarının çəkilməsi ilə yekunlaşıb.
Qeyd edək ki, baş tutan işgüzar səfər çərçivəsində TİKA, YTB və TC Gənclər və İdman Nazirliyində görüşlər baş tutub.
