"Rusiyanın Ukraynaya təcavüzü yalnız o zaman dayanacaq ki..." - Rusiyalı sosioloq
"Rusiya prezidenti Vladimir Putinin Ukraynaya qarşı təcavüzü yalnız Rusiya qoşunları Ukrayna ərazisində məğlub olub darmadağın ediləndə dayanacaq. Bütün ara variantlar sonda yeni hərbi eskalasiyaya gətirib çıxaracaq".
"UNİAN" xəbər verir ki, bu fikiləri Rusiya sosioloqu İqor Eydman öz "Facebook" səhifəsində yazıb.
Ekspert hesab edir ki, “Putinin aqressiyası o zaman dayanacaq ki... Rusiya qoşunları məğlub olub panika içərisində Ukraynadan qaçacaqlar...”.
Eydman vurğulayıb ki, Rusiyanın hazırkı rəhbəri üçün Ukrayna dövlətinin zəbt edilməsi sabit ideyadır və o, hakimiyyətdə olduğu müddətdə bundan vaz keçməyəcək.
Rusiya ilə Ukrayna arasında danışıqların guya uğura yaxın olması və Putinin müəyyən şərtlər daxilində, işğalçı qoşunları çıxarmağa hazır olması haqda "informasiya sızma"ları başlayıb. Klassik demişkən, mən buna inanmıram... "- deyə sosioloq əlavə edib.
Onun fikrincə, belə bir “sızma”lar ona görə həyata keçirilir ki, Kreml vaxt udsun və mövqelərini möhkəmləndirsin.
Ekspert hesab edir ki, Ukrayna ilə danışıqlar Kiyevə növbəti silah tədarükünü pozmağa yönəlmiş taktiki oyundur, çünki “tezliklə sülh gəlir”.
“...Hesab edirəm ki, Putinin nümayəndə heyətinin çox aşağı səviyyədə olması təsadüfi deyil. Belə bir heyətin vədlərindən imtina etmək Moskva üçün həmişə asan olacaq...”, - deyə rusiyalı sosioloq vurğulayıb.
