"Heç bir sanksiya Putini dayandırmayacaq, çünki bu sanksiyalar çox gecikdirilib..." - Yuri Felştinski
NATO etiraf etmək istəmir ki, 24 fevralda üçüncü dünya müharibəsi artıq başlayıb.
Dünyada hamıya elə gəlir ki, sanksiyalar ucbatından Rusiya prezidenti Vladimir Putin Avropaya və Amerikaya qarşı başlatdığı müharibəni dayandıracaq, Amerika və Rusiya tarixçisi Yuri Felştinski "Naş format" nəşrinə verdiyi və "Senzor. NET" saytında dərc edilən müsahibəsində bəyan edib.
"Heç bir sanksiya Putini dayandırmayacaq, çünki bu sanksiyalar bir çox illər ərzində gecikdirilib. Hazırda sanksiyalar hərbi əməliyyatların bir hissəsidir. Sadəcə, NATO hələ 24 fevralda üçüncü dünya müharibəsinin artıq başlanmasını etiraf etmək istəmir. Ona görə də hamıya elə gəlir ki, Putin sanksiyalar səbəbindən Avropaya və Amerikaya qarşı başlatdığı müharibəni dayandıra bilər", - Felştinski qeyd edib.
Onun sözlərinə görə, Putin Rusiya Federasiyasını Sovet İttifaqına qaytarmağı arzu edirdi, o, bu barədə dəfələrlə danışıb və sosial- iqtisadi cəhətdən bu arzu artıq gerçəkləşib: müharibənin iki həftəsi ərzində Putin Rusiyanı köhnə SSRİ- yə qaytara bilib. İndi isə bu arzunun geosiyasi aspekti qalıb: keçmiş sovet respublikalarını zəbt etmək, Şərqi və Cənub-Şərqi Avropanı Rusiyanın təsir orbitinə qaytarmaq", - tarixçi belə deyib.
O, güman edir ki, sanksiyalar sürətli və hərtərəfli olacaq, bu sanksiyalara bütün sivil dünya qoşulacaq, düşünürəm ki, Putin buna hazır deyildi. Lakin iki- üç aya Rusiyanın iqtisadiyyatı çökməyəcək. Putin isə bu müddət arzində Almaniyanın sərhədlərinədək gedib çıxmağı planlaşdırıb", - Felştinski vurğulayıb.
