10 milyondan artıq ukraynalı qaçqına çevrilib - BMT-nin statistikası

Mükli əhali arasındakı qurbanlar Ukrayna ordusunun itkilərindən çoxdur. 

Rusiya ordusu uşaqların sığındığı Mariupol məktəbini bombalayıb. Zelenski hərbi vəziyyətin uzadılması barədə fərman imzalayıb. Ukraynanın 44 milyonluq əhalisinin təxminən dörddə bir hissəsi - 10 milyondan artıq Ukrayna sakini Rusitanın fevralın 24 - də başlatdığı müharibə səbəbindən öz evlərini tərk etmək məcburiyyətində qalıb.

Bu məlumatları bazar günü, martın 20- də Birləşmiş Millətlər Təşkilatı açıqlayıb.

Təxminən 3, 3 milyon qaçqın Ukraynanı tərk edərək, başqa ölkələrə, əsasən Polşaya köçüb, qalanları isə öz dövləti içərisində məcburi köçkünlərə çevrilib. Ukrayna prezidenti martın 20- də Ukraynada hərbi vəziyyətin 26 martdan 25 aprelə qədər uzadılması barəsində fərman imzalayıb.

Bu arada isə Rusiya qoşunları Mariupol şəhərini bombalamaqda davam edir. Bomba zərbələrinə 400 nəfər dinc sakinin- qadınların, uşaqların və qocaların sığındığı incəsənət məktəbi də məruz qalıb. Hələlik, ölənlər barədə məlumat yoxdur, amma məktəbin binası dağıdılıv və insanlar dağıntılar altında qalıb.

Xatırladaq ki, martın 16- da bu şəhərdə 1000 nəfərin sığındığı dram teatr bombalanmışdı. Qurbanların sayı hələ tam məlum deyil. Martın 11- də Rusiya qoşunları Luqanskda qocalar evini bombalayıb. Lakin yalnız martın 20- də məlum olub ki, atəş nəticəsində onlarla yaşlı insan həlak olub.

Rusiya ordusu Ukraynanın bir neçə şəhərlərini də bombalamaqda davam edir. Həyəcan siqnalları Xarkovda, Lvovda, Sumıda, Nikolayevdə, Çerkasskda, Odessada, Zaporojyedə və başqa şəhərlərdə eşidilib.

Gecə atəşləri nəticəsində Xarkovda 5 nəfər, o cümlədən bir 9- yaşlı körpə həlak olub.

Rusiya qoşunları tərəfindən işğal edilmiş Berdyansk şəhərində rusiyalı hərbçilər müharibə əlehhinə mitinqə çıxan ukraynalıları saxlayıb. Videogörüntülərin birində kaskalı hərbi qulluqçunun yerdə silahsız və köməksiz qalan kişini ayaqlarl ilə təpiklədiyi, sonra isə onun hər iki ayağının üstündə dayanıb onları sındırmaq istəyir. Bu zaman onların əyrafında daha bir neçə hərbi qulluqçu dayanıb heç bir tədbir görmür. Analoji aksiyalar Berduanskla bərabər, Rusiya qoşunlarının nəzarətində olan Xerson və Kaxovka şəhərlərində də keçirilib.

Ukraynanın Avropa və Avroatlantika inteqrasiyası üzrə baş nazirin müavini Olqa Stefanişina bəyan edib ki, Rusiyanın təcavüzü nəticəsində mülki əhaki arasında olan qurbanlar Ukrayna Silahlı Qüvvələrinin itkilərindən çoxdur.

"Rusiya bəşəriyyətin gördüyü, demək olar ki, bütün hərbi cinayətlərini törədib", - o, vurğulayıb.

Ukrayna prezidenti Ofisi rəhbərinin müşaviri Mixail Podplyak iddia edir ki, "Rusiya hücumlarında uğursuzluğu ucbatından dağıdıcı artilleriyanın tətbiqinə keçib: dinc şəhərlərə "Kinjal" və "Bastion" tipli sustemlərdən zərbələr endirir". Həmçinin Rusiya döyüş qüvvələrini Sakit Okean istiqamətindən çəkərək, canlı qüvvə ehtiyatlarını axtarır".

Amerikanın müharibəni öyrənən İnstitutunun (ISW) ekspertləri hesab edir ki, Rusiya ordusu Kiyevə, Odessaya və Ukraynanın digər iri şəhərlərinə hücum etmək qabiliyyətində deyil. Ekspertlərin fikrinə görə, belə bir şəraitdə Putin ukraynalıların iradəsini qırmaq üçün şəhərlərə raket zərbələri və bombardmanları barədə yeni əmrlər verə bilər.

"Cəbhə praktiki olaraq donmuş vəziyyətdədir, - özünün video- müraciətində prezident Ofisi rəhbərinin müşaviri Aleksey Arestoviç deyib. - Taktiki əməliyyatlar aparılır, çünki hər iki tərəfin bu və ya digər istiqamətdə vəziyyətin gerçək dönüşü üçün qüvvələr yetərli deyil".