"Rusiya Avropa İttifaqının onun enerji ehtiyatlarından imtinasına görə təlaş içindədir" - "Politiko" nəşri

Rusiya rəhbərliyi Avropa İttifaqı və Qərb ölkələrinin Rusiyadan neft, qaz və kömür idxalından belə tezliklə imtina etməsi  səbəbindən təlaş içindədir.

Bu barədə Almaniya kansleri Olaf Şolts martın 25-də bağlı qapılar arxasında Avropa İttifaqının liderlərinə deyib, məlumatı "Politiko" nəşri yayıb. Şolts etiraf edib ki, Rusiyanın enerjidaşıyıcılarının tədarükündən tamamilə müstəqil olması üçün Avropaya beş ilədək zaman lazım ola bilər.

Bundan başqa, Almaniya kansleri Rusiyadan enerjidaşıyıcılarının idxalına Avropa İttifaqının dərhal qadağa qoyulmasını rədd edərək bəyan edib ki, bu, Avropaya Rusiyadan daha çox zərbə vurardı. O, vurğulayıb ki, Almaniya özünün Rusiyanın enerjidaşıyıcılarından asılılığını azaltmaq üçün bütün mümkün olanları edir".

Şoltsun bu sözləri Almaniyanın iqtisadiyyat naziri Robert Xabekin Rusiya neftinin Almaniyaya idxalının bu ilin ortalarında ehtimal olunan iki dəfə azaldılması barədə bəynatından sonra səsləndirilib, bunu "Bild" nəşri yazıb.

Xabek deyib ki, Almaniyanın məqsədi ilin sonunadək Rusiya neftindən, demək olar ki, müstəqil olmaqdır".

Xabek həmçinin bəyan edib ki, yaxın həftələrdə Almaniyanın Rusiya kömüründən asılılığı 50 faizdən 25 faizə enəcək. Payıza qədər isə ölkə Rusiya kömüründən tamamilə müstəqil ola bilər.