Rusiya müharibədə ikinci cəbhə açır: Kreml artıq qərarını verib - "The Times" nəşri
02 may, 2022 22:03
Kreml Moldovaya hücumla bağlı qərarını verib. Rusiya müharibədə yeni cəbhə açaraq, Ukraynanın Odessa şəhərini daim təhdid altında saxlamağa çalışacaq.
Bu barədə Britaniyanın “The Times” nəşri məlumat yayıb. Məlumatı verən mənbənin fikrincə, Rusiya yaxın günlərdə 3000-dən artıq hərbçi ilə Moldovaya hücum etməyi planlaşdırır.
Məlumatda qeyd olunur ki, Rusiya xüsusi xidmət orqanları Moldovada kütləvi etirazları və iğtişaşları qızışdırmaq da daxil olmaqla bir neçə mümkün variantı nəzərdən keçirir.
Qəzet yazır ki, Rusiya qondarma "Dnestryanı Moldova Respublikası"nın müstəqilliyini tanıyaraq, bu əraziləri işğal etməyi planlaşdırır.
