Həbibbəylilərin daha bir "gömrük qaçaqlığı..." - İsa Həbibbəylinin qardaşı ilə bağlı yeni iddialar
Xəbər verildiyi kimi, AMEA-nın prezidenti İsa Həbibbəylinin oğlu, Naxçıvan Gömrük Komitəsinin sabiq sədri Səhət Həbibbəylinin rəhbərliyi dövründə 100 milyonlarla dollar vəsaitin mənimsənildiyi üzə çıxıb.
S.Həbibbəylinin bununla bağlı etiraflarını əks etdirən istintaq materialları mediada yayımlanıb. Lakin S.Həbibbəyli hazırda azadlıqdadır…
Araşdırmaçı jurnalist Cavanşir Həsənli İsa Həbibbəylinin qardaşı Yaqub Həbibbəylinin Türkiyədən Azərbaycana tekstil idxalı ilə məşğul olduğunu və S.Həbibbəylinin öz vəzifəsindən istifadə edərək, onu gömrük rüsumu və vergilərdən yayındırdığına dair paylaşım edib: “AMEA-nın prezidenti İsa Həbibbəylinin qardaşı Yaqub Əkbər oğlu Həbibbəyli Türkiyədən Azərbaycana tekstil idxalı ilə məşğul olub. İsa Həbibbəylinin oğlu Səhət Həbibbəyli Naxçıvan Gömrük Komitəsinin rəhbəri olarkən o, Türkiyədən gətirdiyi malları gömrük qeydiyyatına aldırmadan sərbəst keçirib.
Sizə bir fakt deyirəm, araşdırılsın görək 2021/11/14 tarixində "Türkaylar" tekstil sanayi ve ticaret anonim şirkətindən Yaqub Həbibbəylinin adına alınmış 11 ton 750 kq çəkisi olan (21079,50 dollar dəyərində) ipliklər gömrük qeydiyyatında keçib yoxsa yox?!”
İddialarla bağlı Yaqub Həbibbəylinin də mövqeyini dərc etməyə hazırıq.
azpolitika.info
