Bakıda villa 13 milyona satışa çıxarıldı: sahibi kimdir? - FOTOLAR

Azsiyasət.com saytı xəbər verir ki, Azərbaycanda bahalı vilların alqı-satqısı adətən gizli formada həyata keçirilir. Ancaq əmlak bazarında dyəri milyonlarla ölçülən villaların satışına da rast gəlirik. Əmlak alqı-satqısı ilə məşğul olan saytlarda belə elanlara rast gəlmək mümkündür. 

Məsələn, əmlak alqı-satqısı ilə məşğul olan saytların birində 13 milyon manata satışa çıxarılan villa ilə bağlı elan dərc olunub. Birbaşa dənizə çıxışı olan villa satışa çıxarılıb.

Villa Şüvalan qəsəbəsində qayanın üstündə yerləşir. Eyni zamanda, 1 hektar torpaq sahəsi olan villanın içərisində hovuz, idman zalı, kinoteatr, stadion, qonaq evi, mühafizəçi evi, yaşayış evi mövcuddur.

Azsiyasət.com saytı villanın kimə məxsus olması ilə bağlı araşdırmalar aparır. Böyük ehtimalla villa iri ranqlə məmurlardan birinə, yaxud da hansısa məmurun yaxın ən yaxın qohumlarından birinindir.