Nəcməddin Sadıkovun oğlu Etibar Pirverdiyevi döyüb - ÖZƏL

Silahlı Qüvvələrin sabiq Baş Qərargah rəisi Nəcməddin Sadıkovun oğlu Məhəmməd Sadıkov “Azərenerji”nin sabiq sədri Etibar Pirverdiyevi döyüb.

Azsiyasət.com-a daxil olan məlumata görə, adı Nəsimi rayonu H.Əliyev küçəsində E.Pirverdiyevə məxsus tikinti şirkətinin ofisində dava düşüb.Bildirilir ki, H.Əliyev küçəsində (ASAN xidmətlə üzbəüz) bir neçə bina M.Sadıkovla E.Pirverdiyevin birgə şərikliyi əsasında tikilib. Şirkətdə ciddi maliyyə maxinasiyaları olub və M.Sadıkov özünə çatası pulu tələb edib. Bu zaman onunla E.Pirverdiyev arasında dava düşüb.

Qeyd edək ki, Nəcməddin Sadıkovla Etibar Pirverdiyev qudadır.

Onu da əlavə edək ki, N.Sadıkovun oğlu M.Sadıkov əvvəllər vergilər naziri F.Məmmədovun müşaviri və Bakı Şəhər Vergilər Departamentinin rəis müavini vəzifələrində çalışıb. Onun adı dəfələrlə yol polisi ilə qalmaqallarda hallanıb və nəticədə bir neçə polis əməkdaşını da işdən qovdurmağa nail olub. Sonda isə 2016-cı ildə onun özünü sərhədsiz davranışlarına görə vergilər nazirliyindən kənarlaşdırdılar. 

Azsiyasət.com