"Qarabağın Azərbaycanın tərkibinə daxil olmasını qəbul etməyəcəyik" - Beqlaryan
Qarabağın Azərbaycanın tərkibinə daxil olmasını təmin edən heç bir qərarla nə hakimiyyət orqanları, nə də Qarabağ xalqı razılaşacaq”.
Azsiyasət.com xəbər verir ki, bu barədə separatçı rejimin “dövlət naziri” Artak Beqlaryan cümə axşamı keçirdiyi mətbuat konfransında söyləyib.
“Bu gün şərtlər müharibədən əvvəlki dövrlə müqayisədə çox pisdir, amma bu o demək deyil ki, mübarizə aparmaq üçün imkanımız yoxdur. Əlbəttə ki, indi yolumuz daha uzundur, amma digər tərəfdən öz müqəddəratımızı təyinetmə hüququmuzu daha qəti şəkildə qorumaq üçün xarici siyasət də daxil olmaqla əlavə imkanlarımız var”, – o bildirib.
Beqlaryan Rusiyanın sülhməramlı kontingentinin Dağlıq Qarabağda qalma müddəti məsələsinə də münasibət bildirib.
O, Qarabağın erməni əhalisinin təhlükəsizliyinə zəmanət verən rus sülhməramlılarının 5 illik müddət bitdikdən sonra bölgədə qalacağına inandığını vurğulayıb.
