Ramin Əhmədov hansı Generalın adamıdır?

Ramin Əhmədov - yerli medianın manşet isimlərindəndir. Vaxtilə çox ağır yaşam şərtləri ilə üz-üzə qalan R.Əhmədovun daha sonralar hansı formada biznesmenə çevrilməsi haqqında detallı məlumatlar dərc olunmasa da, onun ticarət obyektləri haqqında kifayət qədər informasiyalar var və bütün bunlar zaman-zaman mətbuatda dərc olunub. Odur ki, Nizami rayonun “iri kalibrli” iş adamı sayılan R.Əhmədovun hansı obyektlərə sahib olması, şərikləri barədə yazmaq yersiz addım olardı. Bu haqda daha sonra...

Bu yazını yazmaya da bilərdik, açığı, böyük bir xəbər yükü olmayan bu kiçik məqaləni yazmaqda məqsəd ölkənin ən ciddi generallarından birinin adının məqsədli şəkildə müxtəlif qanunsuz əməllərdə hallandırılmasının mənbəyini araşdırmaqdır.

Azsiyaset.com R.Əhmədovun son günlər qazandığı populyarlığı nəzərə alaraq, onun haqqında qısa bir araşdırma aparıb. YAP Nizami rayon təşkilatının sədr müavini vəzifəsini tutan R.Əhmədovun böyük siyasi iddialarının olması heç kəsə sirr deyildir. Özünü jurnalist, idmançı, biznesmen, ədəbiyyatçı, siyasətçi və s. hesab edən R.Əhmədovun biznes imkanlarını müzakirəyə çıxarmaq bizə düşməz.

Ancaq Azsiyaset.com-un araşdırması zamanı maraqlı məlumatlar əldə etdik. R.Əhmədova yaxın mənbələrdən əldə etdiyimiz məlumata görə, o, özünü Prezidentin Mühafizə Xidmətinin rəisi, general-polkovnik Bəylər Eyyubovun adamı kimi təqdim edir.

Şəksiz, Azərbaycanda iş adamının arxasında böyük bir fiqur durmursa, o iş adamı iflasa məhkumdur. Amma məsələ başqadır.

Həqiqətənmi R.Əhmədov general B.Eyyubovun adamıdır? Onu general qoruyub bu səviyyəyə çatdırıb?

R.Əhmədov Nizami rayonunda ağacları kəsdirir... Ancaq xalq arasına belə bir informasiya dövriyyəyə buraxılır: “Bəylər Eyyubov özünə obyekt tikdirir”.

Nizami rayonun hər bucağında “moyka”lar, çay evləri, paltar dükanları və s. tikilir, bir balaca narazılıq olan kimi R.Əhmədovun adamları dərhal B.Eyyubovun adını dövriyyəyə buraxır.

Cənab Əhmədov, nə baş verir!? Səni həqiqətənmi B.Eyyubov qoruyur? Bu sualın dəqiq cavabı bizə çox maraqlıdır, çünki araşdırıb ortaya qoyacağımız baqa mətləblər var.

Açığı, B.Eyyubovun R.Əhmədova himayəçilik etməsi ilə bağlı elə R.Əhmədovun özünün yaydığı dezinformasiyalara inanmırıq. Sadəcə maraqlı olan başqa məqamlardır. 

P.S. Azsiyaset.com saytının icazəsi olmadan bu məqalənin istənilən saytda dərci qadağandır!