Azərbaycanlı yanğınsöndürən Türkiyə bayrağını yanmağa qoymadı - VİDEO
03 avqust, 2021 01:11
Türkiyədə meşə yanğınlarının söndürülməsinə cəlb olunan azərbaycanlı yanğınsöndürənlər anlamlı hərəkəti ilə diqqət çəkib.
Azsiyaset.com xəbər verir ki, Fövqəladə Hallar Nazirliyinin Kamil Dünyamalıyev adlı əməkdaşı Marmarisdə yanan evdən Türkiyə bayrağını çıxardıb.
"Ev yanırdı, yalnız Türkiyə bayrağını çıxarda bildim. Evin içinə girdim, içəridə insan olub-olmamadığına baxdım. Bayrağı gördüm, onu çıxardım. İnsan nə qədər önəmlidirsə, bayraq da bir o qədər önəmlidir. Türkiyə qardaşımızdır", - deyə K.Dünyamalıyev bildirib.
Bundan başqa, digər yanğınsöndürənlərimiz də eyni anlamlı jestlə yadda qalıblar.
