Yoluxma sürətlə artır, ölənlər də... - "DELTA" Azərbayvanda
06 avqust, 2021 16:40
Azərbaycanda koronavirus (COVID-19) infeksiyasına 1 242 yeni yoluxma faktı qeydə alınıb, 345 nəfər müalicə olunaraq sağalıb. Nazirlər Kabineti yanında Operativ Qərargahın yaydığı məlumata görə, koronavirusla bağlı analiz nümunələri müsbət çıxan 8 nəfər vəfat edib.
Qeyd edək ki, ötən gün Operativ Qərargah 1196 yeni yoluxma halının qeydə alındığını, 4 nəfərin öldüyünü açıqlamışdı.
Koronavirus hazırda dünyanın əksər ölkələrində olduğu kimi Azərbaycanda da yenidən sürətlə yayılmağa başlayıb və mütəxəssislər bunun səbəbinin daha çox yoluxdurucu olan “delta” ştammı ilə əlaqəli olduğunu bildirirlər.
