Tovuz və Qazaxla sərhəddə Rusiya hərbçiləri yerləşdirilir
07 avqust, 2021 11:23
Rusiya sərhədçiləri Ermənistanın Azərbaycanın Qazax və Tovuz rayonları ilə həmsərhəd Tavuş vilayətində yerləşdirilir.
Azsiyaset.com Ermənistan KİV-nə istinadən xəbər verir ki, onların bir hissəsi Qazaxın işğal altındakı Yuxarı Əskipara kəndinə gətirilib.
Hakim "Vətəndaş müqaviləsi" partiyasının üzvü, deputat Artur Ovannisyan sərhədçilərin digər ərazilərdə də yerləşdiriləcəyini söyləyib.
"Sərhədçilər təhlükəsizlik məqsədilə bu ərazilərdə yerləşdirilib. Yaxın zamanlarda rusiyalı sərhədçilər Tavuş vilayətinin digər yerlərində də yerləşdiriləcək", - deyə Ovannisyan qeyd edib.
