İmişli "MERO"-da avtomobillərin texniki baxışı vatsapla həyata keçirilir - FOTOFAKTLAR

İmişli Rayon Qeydiyyat-İmtahan və Texniki baxış şöbəsində nəqliyyat vasitələrinin “texniki baxış”ı vatsap vasitəsilə həyata keçirilir.

Bu barədə Azsiyaset.com saytına məlumat daxil olub.

Məlumatda bildirilir ki, İmişli “MERO”-da baş verən bu qanunsuzluqların əsas səbəbkarı Baş Dövlət Yol Polisi İdarəsinin Yol Patrul Xidməti Alayının komandiri Fuad Mayılovdur. Düzdür, qanunla Qeydiyyat-imtahan və Texniki baxış regional idarələri Baş Dövlət Yol Polisi İdarəsinin rəis müavini, Qeydiyyat - İmtahan İdarəsinin rəisi, polis polkovniki Kamran Əliyevə tabedir.

Lakin F.Mayılov Baş Dövlət Yol Polisi İdarəsinin rəisi, general Ramiz Zeynalovun ən sevimli kadrı və “qara kassa”sı kimi öz “kardinal”lığını qoruyub saxlamaqdadır. Qeyri-rəsmi şəkildə ölkənin əksər rayonlarındakı “MERO”lara nəzarət F.Mayılovun kurasiyasındadır, bu sahənin qeyri-rəsmi kuratoru məhz odur.  

Qeyd edək ki, İmişli “MERO”sunun rəisi təüqaüd yaşına çatmış Qulu Qüdrət oğlu Quliyev 2019-cu ildə Daxili İşlər naziri Vilayət Eyvazovun əmri ilə bu vəzifəyə təyin olunub. Təqaüd yaşı keçmiş, nəqliyyat vasitələrini vatsap nömrələrlə texniki baxışdan keçirən, ağlagəlməz “rüşvət piramadası”na rəhbərlik edən Q.Quliyevin təqdimatını R.Zeynalova F.Mayılov verib. R.Zeynalov da onun təqdimatını Nazirin masasına qoyub.

Q.Quliyevin İmişli Qeydiyyat-İmtahan və texniki baxış şöbəsinə rəis təyin edilməsinin ilginc səbəbləri barədə növbəti yazıda bəhs olunacaq.

Bəs “texniki baxış” altında vətəndaşlar soyğunçuluğua necə məruz qalırlar?

Məlumdur ki, avtomobili olan şəxslər ildə bir dəfə olmaqla, “MERO”-ya getməli və avtomobilinin saz vəziyyətdə olub-olmaması ilə bağlı sənəd almalıdır. Əgər vətəndaş öz avtomobilini texniki baxışdan keçirmirsə, hər 20 gündən bir 50 manat cərimə ödəməli olur.

Əsas  mətləbə keçək! Qanunlardan varlanmaq üçün istifadə edənlərin sərvətlərinin sayı-hesab yoxdur. Məsələn, DYP-nin alay komandir Fuad Mayılov kimi.

R.Zeynalovun şəxsi və xüsusi tapşırığı ilə “MERO”lardan yığılan pullar birbaşa F.Mayılovun iştirakı ilə ünvana çatdırılır. Artıq məsələ o həddə gəlib çatıb ki, texniki baxış əməliyyatları yeni “meyar”larla həyata keçirilir. Məsələ bundadır ki, F.Mayılova yaxınlığı ilə seçilən “MERO” rəisləri “kreativ” üsul seçiblər. Belə ki, onlar nəqliyyat vasitələrini vatsap nömrələr vasitəsilə “texniki baxış”dan keçirirlər.

HAŞİYƏ: F.Mayılov qardaşı oğlu Fərid Maylovu Ağcəbədiyə rəis təyin etdirib. Orada nələr baş verir, əmisinin himayəçiliyi və çətiri altında Fərid Mayılov hansıq qanunsuzluqlara imza atır, bu haqda növbəti yazıda…

Qanunda nəzərdə tutulub ki, avtomobil qeydiyyatda olduğu ərazidə texniki baxışdan keçirilməlidir. Amma F.Mayılovun adamları üçün bu elə də fərq etmir. Sən Şəkidə yaşaya bilərsən, amma avtomobilini İmişlidə və ya Ağcəbədidə “texniki baxış”dan keçirə bilərsən. Sual yaranar ki, Şəkidə olan avtomobil İmişlidə qeydiyyatdan necə keçə bilər? Təbii ki, vatsap vasitəsi ilə! Necə?

Sadəcə avtomobilə məxsus texposportun, sürücülük vəsiqənin fotosunu “MERO” əməkdaşlarının vatsap nomrələrinə göndərirsən və bu, bəs edir ki, avtomobilin “texniki baxış”dan keçsin.

Məsələn məqalədə fotosunu yerləşdirdiyimiz bu vətəndaş bu üsuldan istifadə edərək öz avtomobuli üçün “texniki baxış”nı əldə edib. Istənilən adam oturduğu yerdə öz maşınını “texniki baxış”dan keçirmək istətirsə o zaman Qulu Quliyevin rəhbərlik etdiyi İmişli “MERO”sunun əməkdaşalrının aşağıdakı qeyd olunan nömrələrinə göndərməklə həyata keçirə bilərsiniz.

İmişli “MERO”dakı qiymətlər belədir:

Minik -80 manat

Kamaz 140 manat

Qazel 100 manat

Qoşqu ilə 60 manatdır.

Baxmayaraq ki, bütün avtomobillər üçün dövlət rusumu 30 manatdır. Qoşqu isə dövlət rusumu 10 manatdır.

Təsəvvür edin, gün ərzində “texniki baxış”dan keçən 200-300 maşından gələn pul vəsaiti nə qədərdir? Fantastik rəqəm!

Onu da əlavə edək ki, Qulu Quliyev özü üçün “təhlükəsizlik” tədbirləri də görüb. Belə ki, vatsap nömrələr vasitəsilə qanunsuz şəkildə əldə olunan  pullar onun yaxınlarına şəxsi kart hesablarına köçürülür və axşam nəğdləşdirilir.

Bundan əlavə olara, Q.Quliyev müştəri göndərən sığortaçılardan da özünü “qorumağı” bacarıb. O, işlədiyi sığorta şirkətinə bəribaşdan şərt qoyur ki, əgər bu barədə haradasa danışsalar qanun qarşısında məsuliyyət daşıyamalı olacaqlar.

Ardı var…

Azsiyaset.com

P.S. İmişli "MERO"da maşınların vstapla "texniki baxış"ı aşağıda göstərilən bu nömrələr vasitəsilə həyata keçirilir. (Nömrələr "MERO"nun əməkdaşlarına məxsusdur). 

----

Məqalədə səsləndirilən ittihamlarla bağlı Baş Dövlət Yol Polisi İdarəsi Azsiyaset.com saytının email ünvanına məktub göndərib. Məktubda yazılır ki, ötən gün - 10.08.2021-ci il tarixdə “Azsiyaset.com” saytında “İmişli" "MERO"da avtomobillərin texniki baxışı vatsapla həyata keçirilir - fotofaktlar” başlıqlı məqalə yazılanların heç bir əsası yoxdur:

"Vətəndaş cəmiyyətinin formalaşmasında mühüm rol oynayan kütləvi informasiya
vasitələrində mövcud nöqsan və çatışmazlıqların işıqlandırılmasını təqdir edir və hər
zaman birgə əməkdaşlıqda maraqlı olduğumuzu bildirir, eyni zaman da qarşı tərəfin
mövqeyini öyrənmədən, hədəfi daha çox təhdid və polis qurumuna qarşı ictimai rəydə
çaşqınlıq, etimadsızlıq yaratmağa xidmət edən bu qəbildən olan materilların yayılmasını
qətiyyətlə pisləyir, qanunla adekvat tədbirlər görmək hüququ daşıdığımızı diqqətə
çatdırırıq. Materialda qeyd olunan telefon nömrələrinə gəldikdə isə bildiririk ki, bu nömrələr
DİN BDYPİ-nin qeydiyyat-imtahan və texniki baxış şöbələrində xidmət edən və daim
vətəndaşlarla ünsiyyətdə olan vəzifəli və mülki şəxslərə aiddir ki, bu da həmin əlaqə
vasitələrini onu əldə etməyə cəhd edən istənilən şəxs üçün əlçatan edir".

Azsiyaset.com