"Elçinin artıq öldüyünü dedilər, şoka düşdüm, ağladım..." - Fövqəladə Hallar nazirinin müavini Kiyevdəki qətl haqda

14 avqust, 2021 11:24

20 il əvvəl Kiyevdə qətl törətmək ittihamı ilə həbs olunan general Rövşən Əkbərovun işi üzrə şahid qismində fövqəladə hallar nazirinin müavini, general Orucəli Hacıyev də dindirilib.

Azsiyaset.com virtualaz.org-a istinadla xəbər verir ki, Orucəli Hacıyev o vaxt bu iş üzrə dindirilərkən iş adamı Elçin Əliyevi öldürənin kim olduğunu dəqiq bilmədiyini demişdi. Amma bu ilin martında təkrar istintaq zamanı dindirilərkən deyib ki, Elçin Əliyevin Rövşən Əkbərov tərəfindən bıçaqlandığını eşidəndən sonra hadisə yerinə gedib.

O.Hacıyev bildirib ki, 1995-1997-ci illərdə Sumqayıtda məişət kimyası zavodunda ”İnterxrom”şirkətinə rəhbərlik edib, həmin ərəfədə Ukraynada sahibkarlıq fəaliyyəti ilə məşğul olub, bununla əlaqədar Kiyev şəhərinə gedib-gəlirdi. 2000-ci ildə rəhbərlik etdiyi şirkətin bir zavodunu da həmin ölkədə inşa etdirməyə qərar verib. Səməd və Mədət Novruzov  qardaşlarını 1994-cü ildən tanıdığını, onların vasitəsilə də Elçin Əliyevi tanıdığını deyib: “Səməd və Mədət qardaşlarının biznesini Elçin idarə edirdi. Kiyevə gedəndə Elçinlə görüşüb zavod inşa etdirmək istədiyini dedim. O da cavabında Ukraynada uzun müddət yaşadığını, geniş əlaqələrinin olduğunu, lazımi köməklik göstərəcəyini söylədi”.

O.Hacıyev ifadəsində 2000-ci ilin sonlarında Kiyev şəhərinin Xreşatik küçəsində iki otaqlı ofis icarəyə götürdüyünü, Ukraynada olarkən işlə bağlı gününün çox hissəsini orada keçirdiyini deyib. Hadisədən bir gün öncə Elçinlə ofisdə görüşüblər, yeni şirkətin təsis olunması, Ukrayna ərazisində yaşamaq hüququ əldə etmək üçün sənədlərin toplanması ilə məşğul olublar: “Bir qədər sonra Məzahir, daha sonra Musaxan da ofisə gəldi. Onların hər ikisini Elçinə görə tanımışam. Birlikdə “Abşeron” restoranına şam yeməyinə gediblər. Ümumi söhbətdən belə başa düşdüm ki, şam yeməyindən sonra Elçinlə Məzahir Azərbaycanın Ukraynadakı səfirliyində təşkil olunan məclisə getməyi planlaşdırırlar. Amma onların dəqiq səfirliyi gedib-getmədiklərindən xəbərim olmayıb”.

Gecə saat 03:00-04:00 radələrində M.Şıxaliyev O.Hacıyevə zəng vuraraq qışqıra-qışqıra “Elçini bıçaqladılar” deyib, ağlayıb. Ondan təcili “Lukyanovskiy bazar” deyilən əraziyə gəlməsini istəyib: “Soruşdum ki, Məzahir, Elçini kim bıçaqlayıb? O da cavabında “Rövşən vurdu, Rövşən vurdu” dedi. Dedim, niyə axı, nə baş verdi? Məzahir telefonu qapatdı. Həmin vaxt Rövşənin kim olduğunu bilməsəm də sonradan məlum oldu ki, Milli Qəhrəman Rövşən Əkbərovdur”.

O.Hacıyev ifadəsində nəql edir ki, xəbəri eşidən kimi taksi ilə  Məzahirin dediyi yerə gedib: “Yolun kənarında bir neçə nəfər dayanmışdı. Çatanda gördüm ki, Elçin yerdə uzanıb, Məzahir onun başını öz dizləri üstündə saxlayıb, ağlayır, dayanmadan “bunun valideynlərinə nə cavab verəcəyəm” deyirdi. Bir daha Məzahirdən nə baş verdiyini soruşdum. Yenə “Rövşən bıçaqladı” deyə cavab verdi. Elçinin hələ sağ olduğunu, ölmədiyini düşünüb çiyinlərindən tutub soruşdum ki, səni kim vurub? Cavab vermədi, hərəkətsiz idi, rəngi ağarmışdı. Kafenin mühafizəçisi Elçinin artıq keçindiyini dedi. Həyacan keçirmişdim, şok vəziyyətində idim, ağlamağa başladım”.

Təxminən on dəqiqə sonra hadisə yerinə Musaxan Əliyevlə birgə polis əməkdaşları da gəliblər. E.Əliyevin meyiti təcili yardım maşını ilə meyitxanaya göndərilib. Mərhumu tanıyan, hadisə yerində olan şəxslər Şevçenko polis şöbəsinə aparılıblar: “Polis bölməsində olanda əvvəllər səfir işləmiş Nazim İbrahimov da oraya gəlmişdi. Mərhumun arvadına və valideynlərinə hadisə barədə kimlərin məlumat verdiyini isə mən bilmirəm”.

Polis Şöbəsindən çıxdıqdan sonra O.Hacıyev M.Əliyevlə ofisə gələrək, Elçinin ölümü ilə bağlı ümumi söhbət aparıblar. Ertəsi gün O.Hacıyev M.Şıxaliyevə zəng vurub ofisə çağırıb, hadisə barədə bir daha detallı soruşub. M.Şıxaliyev də cavabında Elçinlə kafedə pivə içən zaman R.Əkbərovun bir nəfərlə oraya gəldiyini, onların əyləşdiyi masanın arxasında əyləşdiklərini, həyətə çıxdıqda heç bir səbəb olmadan avtomobildən götürdüyü bıçaqla Elçini ürəyindən vurduğunu deyib. Hadisədən təxminən on gün sonra E.Əliyevin atası Fəday Əliyev Kiyev şəhərinə gələrək oğlunun R.Əkbərov tərəfindən öldürülməsi ilə bağlı aidiyyatı qurumlara şikayət edib: “Elçinin toyunda onun atası ilə tanış olmuşdum. Ofisə gəldi, Məzahirdən eşitdiklərimi ona danışdım, Elçini general Rövşən Əkbərovun öldürdüyünü bildirdim”.

Şahid ifadəsində mərhum E.Əliyevin çox sakit və mülayim insan olduğunu, ətrafında hamı ilə mehriban davrandığını, heç kimlə ədavəti, düşmənçiliyi olmadığını vurğulayıb. General R.Əkbərova gəlincə isə Milli Qəhrəman olduğunu eşitsə də, onunla nə hadisədən əvvəl, nə də sonra heç bir münasibəti, əlaqəsi olmayıb.

 “Rövşən Əkbərovla Elçinin və Məzahirin arasında olan münasibət barədə heç bir məlumatım yoxdur. Məzahirin dediklərindən eşidib bilmişəm ki, Elçini Rövşən Əkbərov bıçaqla vurub öldürüb. Hadisənin səbəbi barədə Məzahirdən soruşduqda hüquq-mühafizə orqanlarına hadisənin səbəbləri barədə danışdığını dedi. Rövşən Əkbərovun səfirliyin binasını nə vaxt, kiminlə tərk etdiyini, “Sikora” kafesində nə baş verdiyini, Elçini hansı səbəbə görə öldürməsi haqda məlumatım yoxdur. Çünki, mən “Abşeron” restoranından çıxandan sonra evə getmişəm, yalnız Məzahirin zəngindən sonra hadisə yerinə gəlmişəm. Elçinin Rövşən tərəfindən öldürüldüyünü Məzahirdən eşitdiyimə və şokda olduğuma görə əvvəl qətlin kim tərəfindən törədildiyini dəqiq bilmədiyimi demişəm.  Bu hadisə ilə bağlı Nazim İbrahimovla görüşüb danışmamışam. Amma bildiyimə görə Nazim İbrahimov Rövşən Əkbərovla görüşüb bu haqda söhbət edib. Hadisə baş verən ərəfədə səfirliyin ərazisində olmamışam. Məzahirin dedikləri haqda, yəni cinayətin Rövşən Əkbərov tərəfindın törədəilməsi barədə bütün ifadələrimdə bildirmişəm. İfadələrimi oxumadan imzaladığıma görə həmin hissədə məni dindirən şəxslərin müvafiq qeydlər aparıb-aparmamasına fikir verməmişəm”,-Orucəli Hacıyev ifadəsində bunları bildirib.

Qeyd edək ki, Elçin Əliyevin öldürülməsinin yeganə şahidi olan Məzahir Şıxaliyev hazırda sağ deyil.

Bundan əvvəl Nazim İbrahimovun istintaqa ifadəsi yayılmışdı və o, bildirirdi ki, hadisədən sonra Rövşən Əkbərov otelə onun yanına gəlib. Elçin Əliyevi öldürdüyünü söhbət zamanı təsdiq edib. R.Əkbərov isə qətli törətdiyini inkar edir.

 

20 sentyabr

11:53 - "Veysəloğlu" "Yaşıl iqtisadiyyat"a öz töhfəsini verməkdə davam edir - FOTO11:51 - Azərbaycan 3 milyard borc alır - SƏBƏBLƏR11:46 - Nazirlik bir ədəd şagird partasının təmirinə 106 manat xərcləyəcək11:44 - Prezident Qarabağ Universitetinin açılışını etdi

18 sentyabr

17:54 - Nazim İmanovun iqtisadçılar komadəndası "Veysəloğlu"da olublar - FOTOLAR13:55 - "Azərbaycanın möhkəm və ədalətli sülhə doğru qətiyyətli addım atmaq imkanı var" - Tomas Şteli13:53 - Minimum əməkhaqqı artırılmalıdır - İqtisadçı13:50 - Ermənistanda hərbi çevriliş hazırlanırmış - Təfərrüat

16 sentyabr

16:03 - Təminat və təxliyə yolları hərbçilərimizin düşmən üzərində qələbəsini təmin etdi - FOTOLAR15:30 - "Veysəloğlu"nun ali təhsilə dəstək layihələrindən 150 şəxs faydalanır15:26 - Kritik həddə çatan problemli kreditlər - Banklar depozit faizlərini artırdı15:24 - Azərbaycan Rusiyaya nota verdi

13 sentyabr

10:21 - Qərblə Rusiya arasında müharibə başlayır? - Putindən xəbərdarlıq10:16 - Azərbaycana ən çox bu ölkələrdən pul göndərilir - SİYAHI

06 sentyabr

11:09 - Ermənistanda rus dili davası - Tədris sistemindən çıxarılır 11:07 - Bu ərazilər də Azərbaycana qaytarılacaq...11:04 - Azərbaycanın düşməni İrəvana gəlir

04 sentyabr

11:39 - Monqolustan hökuməti - "Əllərimiz bağlıdır"11:35 - Beynəlxalq axtarışda olan şəxs Azərbaycana təhvil verildi11:32 - Misirin prezidenti Türkiyəyə gəlir - 12 il sonra

03 sentyabr

12:05 - 4300 Qarabağ ermənisi vətəndaşlıq üçün müraciət etdi12:00 - Rusiyada bu ölkələrin şirkətləri milyardlar qazanır - SİYAHI11:48 - Ramiz Mehdiyevin qızı illərlə gözlədi - İndi pulun yarısını istəyir

02 sentyabr

12:59 - "NATO qorxsa da, rus raketlərini vurmalıyıq!" - Polşa müharibəni alovlandırmaqda maraqlıdır12:55 - Almaniyada müsəlmanların deportasiya olunmasına çağırış edilir12:49 - "Ukraynaya Krımı və Donbası Xruşşov verib" - Putin

30 avqust

18:34 - Ermənistan silahlanır, Azərbaycan Ordusu hazır olmalıdır18:31 - Mehdiyevin qızına məxsus binanı alan yoxdur - Qiyməti 2,5 milyon aşağı salındı18:29 - "Bakı Korpusu"nun yanacaq xidmətinin rəisi həbs edildi15:22 - "Ermənistan vaxtı qəsdən uzadır, yeni silahlar alır" -İlham Əliyev