Abidin Fərzəliyev bu vəzifəyə gətirilir: Lakin təyinat gecikir... - SƏBƏBLƏR

Abşeron Rayon İcra Hakimiyyətinin başçısı İradə Gülməmmədovanın vəzifədən azad olunacağı bildirilir.

Azsiyaset.com-a daxil olan məlumata görə, bu vəzifəyə Nərimanov Rayon İcra Hakimiyyətinin başçısı Abidin Fərzəliyev gətiriləcək.

Bildirilir ki, əslində A.Fərzəliyev bir neçə ay bundan əvvəl Abşeron Rayon İcra Hakimiyyətinin başçısı vəzifəsinə təyin olunmalı idi. Lakin onun şəxsi həyatında baş verən gözlənilməz problemlər (Bu problemlər redaksiyamıza bəllidir, şəxsi məsələ olduğuna görə ictimailəşdirməyi məqsədəuyğun hesab etmirik - red.) onun təyinatının gecikməsinə səbəb olub.

Mənbə onu da əlavə edir ki, A.Fərzəliyevin Abşeron Rayon İcra Hakimiyyətinin başçısı vəzifəsinə təyin olunması qərarlaşdırılıb və əgər fors-major hadisə baş verməsə, o, tezliklə bu vəzifəyə təyinat alacaq.

Azsiyaset.com