Baş redaktor hücuma məruzə qalıb - Qazi özü də etiraf edir ki, atası jurnalisti döyüb - FOTO

Jurnalist Elşən Oktayoğlunu döydüyünə görə həbs edilən Saməddin Məmmədovla bağlı yeni faktlar ortaya çıxmaqdadır. Belə ki, S.Məmmədovun yaxınları, xüsusi öyrədilmiş şəxslər jurnalist Elşən Oktayoğlunun fotolarını sosial şəbəkələrdə yayaraq ünvanına təhqirlər yazırlar. 

"Azsiyaset" xəbər verir ki, bu barədə jurnalist Elşən Oktayoğlu özünün sosial şəbəkə hesabında məlumat verir: 

"Əziz dostlar, son günlər sosial şəbəkələrdə mənim şəkillərimi paylaşıb təhqir yazırlar. Səbəb kimi Cəlilabad Rayonunda bloger kimi özünü qələmə verən Saməddin Məmmədovun üzünə durub tutdurduğum deyilir. Bu fikir tam əsassızdır!

25 Sentiyabr gecə saat 22 25- də Saməddin Məmmədov mənim mobil nömrəmə zəng edərək ölümlə hədələyib. Mən həmin vaxt Daxili İşlər Nazirliyinin 102 Çağrı zəng mərkəzinə məlumat vermişəm və Cəlilabad Rayon Polis Şöbəsinin əməkdaşları izahat alıb.

Saməddin Məmmədov, oğlu Nahid Məmmədov və bacısı oğlu məni 27- si şəhidlərin anım tədbiri keçirilən zaman Cəlilabad rayonunda yerləşən Şəhidlər xiyabanının qarşısında döyərək ağır xəsarətlər yetiriblər. Hadisə şahidləri məni Cəlilabad RMX-na çatdırıblar.

Xəstəxanadan Rayon Polis Şöbəsinə məlumat verilib, ora hüquq mühafizə orqanlarının əməkdaşları gəlib, hadisə araşdırılır. Odur ki, hər kəsdən xahiş edirəm ki, araşdirmadan, bilmədən yazmayın. Biz hüquqi dövlətdə yaşayırıq hər kəs etdiyi əmələ görə cavab verir...".  

Xatırladaq ki, Saməddin Məmmədov Cəlilabad rayonunda narkotik alverçisi kimi tanınır və yüzlərlə gəncimizin zəhərlənməsində bu adamın əli var. Eyni zamanda, Cəlilabad rayounun vəzifəli şəxlsərini şantaj edərək onlardan pul tələb edir.

S.Məmmədovun qazi oğlu da etiraf edir ki, atası jurnalisti döyüb. 

O, narkotik vasitələrin satışı ilə məşğul olduğuna görə 2006-cı ildə 8 il, oğlu Amid Məmmədov xuliqanlığa görə 2016-cı ildə 5 il, digər oğlu Nahid Məmmədov isə narkotik maddədən istifadə etdiyinə görə 2019-cu ildə 5 ay 27 gün müddətinə azadlıqdan məhrum ediliblər. 

Görünən budur ki, Saməddin Məmmədov törətdiyi cinayətlərin cəzasından yayınmaq üçün özünü "bloger" kimi təqdim edir.