General Rüstəm Muradov yenə gəlir - Xankəndində xüsusi tədbir olacaq...
Rusiya Müdafiə Nazirliyi 10 noyabr 2020-ci il tarixli üçtərəfli razılaşmaya əsasən bu ölkənin rəsmən sülhməramlı sayılan hərbi kontingentinin Laçın dəhlizi vasitəsilə Qarabağa daxil olmasının birinci ildönümü münasibətilə böyük bir tədbir təşkil etmək qərarına gəlib.
Ermənistanın “Hraparak” nəşrinin yaydığı məlumata görə, Azərbaycan torpaqlarındakı Rusiya “sülhməramlı”larının ilk komandiri general-leytenant Rüstəm Muradov bu gün - noyabrın 9-da Ermənistana gələcək.
Sabah - səhər isə R.Muradov Laçından keçməklə Qarabağa yola düşəcək. Noyabrın 10-da Xankəndində 1 illik münasibətilə medal təqdimetmə mərasiminin keçiriləcəyi gözlənilir.
Xatırladaq ki, torpaqlarımızdakı “sülhməramlı”ların hazırkı komandiri general-leytenant Gennadi Anaşkindir. O zaman ortaya belə bir maraqlı sual çıxır: Səlahiyyət müddəti başa çatmış R.Muradovun Qarabağ səfərlərinin arxasında hansı məqamlar dayanır?
