"Özlərini qurban kimi göstərirlər, bu, ikiüzlülükdür" - Hülusi Akar
“Yunanıstan təxribat xarakterli, gərginləşən, aqressiv ritorika və hərəkətlərlə məşğuldur. Yunanıstan hakimiyyəti “Yunanıstan qurban, Türkiyə təcavüzkar” anlayışı yaratmağa çalışır”.
TRT xəbər verir ki, bunu Türkiyənin milli müdafiə naziri Hulusi Akar deyib.
Nazirin sədrliyi ilə keçirilən videokonfransda Baş Qərargah rəisi, ordu generalı Yaşar Gülər, Quru Qoşunları komandanı ordu generalı Musa Avsever, Hərbi Dəniz Qüvvələri komandanı admiral Adnan Özbal, Hərbi Hava Qüvvələri komandanı general Həsən Küçükakyüz və nazir müavini Yunus Emre Karaosmanoğlu iştirak edib.
H.Akar bildirib ki, Yunanıstan insan haqlarından danışır, lakin sahil mühafizəsi dənizdə müdafiəsiz qalan insanların qayıqlarını deşməyə çalışır:
"Bu insanlığa qarşı böyük vicdansızlıqdır. Belə bir vəziyyətdə hadisələri dəyişib Türkiyəyə qarşı istifadə etmək başadüşülən, əxlaqi, hüquqi və real deyil. Bu, ikiüzlülükdür”.
