İranla Azərbaycan arasında ticarət dövriyyəsinin vəziyyəti nə yerdədir?

Cari İran ilinin ilk altı ayı ərzində (2021-ci il martın 21-dən sentyabrın 22-dək) ​​ötən İran ilin eyni dövrü ilə müqayisədə İran ilə Azərbaycan arasında ticarət dövriyyəsi dəyər baxımından 22,9 faiz, həcm baxımından isə 19,7 faiz artıb.

"Azsiyaset" xəbər verir ki, bu barədə trend.az-a İran Gömrük İdarəsinin (IRICA) mətbuat katibi Ruhullah Lətifi bildirib.

Onun sözlərinə görə, İran və Azərbaycan arasında ticarət dövriyyəsi 6 ay ərzində 234 milyon dollar dəyərində 403 min ton təşkil edib:

"Belə ki, altı ayda İrandan Azərbaycana təqribən 212 milyon dollar dəyərində 389 min ton mal ixrac edilib ki, bu da ötən İran ilinin eyni dövrü ilə müqayisədə dəyər baxımından 18 faiz, həcm baxımından isə 21,6 faiz çoxdur. Eyni zamanda, ötən İran ilinin eyni dövründə bu rəqəm 179 dollar dəyərində təxminən 320 min ton mal təşkil edib".

R.Lətifi qeyd edib ki, İran Azərbaycana əsasən kimyəvi məhsullar, tikinti materialları, kənd təsərrüfatı məhsulları və s. ixrac edir.