Yaxın gələcəkdə mediamızın əsas mövzularından biri Zəngəzur dəhlizi olmalıdır - FOTOLAR
Bakı Beynəlxalq Dəniz Ticarət Limanı ilə MEDİA agentliyi jurnalistlər üçün “Azərbaycanın logistika imkanları: real vəziyyət və perspektivlər” mövzusunda təlim keçirir.
Belə bir təlim həm media nümayəndələri, həm də Baklı Limanı üçün əhəmiyyətlidir, xüsusilə Zəngəzur dəhlizinin Azərbaycan və bölgə üçün perspektivləri fonunda.
Bu, Bakı Limanının MEDİA agentliyi ilə ilk sahəvi təlimidir. Sahəvi təlimlərin keçirilməsi jurnalistikada ixtisaslaşma məsələsi üçün də vacibdir.
MEDİA-nın bu addımının medianın gələcək inkişaf istiqaməti baxımından əhəmiyyətli hesab edə bilərik.
Bu cür təlimin məhz Bakı Limanı ilə keçirilməsi isə təsadüfi deyil. Çünki Vətən müharibəsində əldə etdiyimiz qələbənin əsas nəticələrindən biri də Zəngəzur dəhlizinin açılmasıdır. Bu dəhliz Türkiyədən Mərkəzi Asiyaya qədər ərazidə böyük nəqliyyat şəbəkəsini birləşdirir, o cümlədən, bütün region ölkələrinə iqtisadi dividentlər vəd edir.
Zəngəzur dəhlizinin açılması ilə Bakı Beynəlxalq Dəniz Ticarət Limanının da təkcə regionda yox, bütövlükdə Avrasiyada əhəmiyyəti daha da artacaq.
Bu perspektivlərdə yaxın gələcəkdə medianın əsas mövzularından birinin də məhz beynəlxalq yük daşımaları, bu daşımalarda Azərbaycanın oynadığı rol olacaq. Belə bir perspektivi öncədən görmək və bu istiqamətin mediada ixtisaslaşdırılması ilə bağlı təlim keçirmək alqışlanan addımdır…
Vasif Həsənli
Demokrat.az xəbər portalının Baş redaktoru
