Azərbaycanlı sahibkarlar bir araya gəldi - "Happy Business Event" - FOTOLAR
Dekabrın 22-də “Ramada Hotel”də “Happy Business Event” adlı tədbir baş tutub. Tədbirdə iş adamları, qadın sahibkarlar, marketoloqlar və biznes ictimaiyyətinin nümayəndələri iştirak edib. Mərasim Azərbaycan Respublikasının Dövlət Himni ilə açıq elan edilib.
“Uber” beynəlxalq taksi aqreqatorunun Azərbaycanda rəsmi tərəfdaşı olan “Brobers” şirkətinin baş sponsorluğu ilə baş tutan tədbirdə müxtəlif sahələri təmsil edən sahibkarlar bir-biri ilə tanış olmaq imkanı əldə edib, faydalı müzakirələr aparıblar.
“Port Bazar” və “Rotoken” layihələrinin qurucusu, “Grandmart”, “Megastore”, “Bolmart” supermarketlər şəbəkəsinin rəhbəri, tanınmış iş adamı Turan Özbahçeci, “Destec Group” şirkətinin direktoru, “Socar Petkim” şirkətinin sabiq vitse-prezidenti Sakit Səmədov gənclərə biznesdə uğur əldə etməyin sirləri, qarşıya çıxan əngəllərin aradan qaldırılması istiqamətində öz tövsiyyələrini veriblər.
Tədbirdə çıxış edən Azərbaycanda Qadın Sahibkarlığının İnkişafı Assosiasiyasının (AQSİA) sədri, Bakı Tesktil Fabrikinin direktoru Səkinə Babayeva, “Panda School” tədris mərkəzləri şəbəkəsinin rəhbəri Elvin Dadaşsoy, AQSİA-nın icraçı direktoru, əməkdar jurnalist Mətanət Ağamirli və digər natiqlər tədbirin əhəmiyyətindən danışaraq, bu cür görüşlərin davam etdirilməsinin vacibliyindən bəhs ediblər.
Sonda iştirakçılar arasında lotereya keçirilib və qaliblərə hədiyyələr təqdim edilib. Tədbir musiqili-əylənəcəli hissə ilə davam etdirilib.
