ATƏT təmsilçisindən Azərbaycan və Ermənistana çağırış
"Avropada Təhlükəsizlik və Əməkdaşlıq Təşkilatı Bakı və İrəvanı güc tətbiqindən çəkinməyə və mənalı dialoqa başlamağa çağırır".
“Armenpress” xəbər verir ki, bunu Polşanın ATƏT-dəki daimi nümayəndəliyinin ikinci katibi Bartoş Kempinski bildirib.
"Biz Cənubi Qafqazdakı vəziyyəti diqqətlə izləyirik. Azərbaycan və Ermənistanı güc tətbiq etməkdən çəkinməyə və Dağlıq Qarabağla bağlı mübahisənin həlli üçün mənalı dialoq aparmağa çağırırıq. Polşa ATƏT-in fəaliyyətdə olan sədri kimi, regionda sülhün və davamlı inkişafın təmin edilməsi istiqamətində səylərimizi yeniləmək və gücləndirmək üçün tərəfdaşlarla işləmək niyyətindədir”, - deyə Polşa nümayəndəsi qeyd edib.
O, həmçinin ATƏT-in Minsk Qrupu həmsədrlərinin Qarabağ nizamlanması üzrə səylərini dəstəklədiyini açıqlayıb.
