Vəkil Qüdrət Həsənquliyevə xəbərdarlıq etdi - "İttihamın heç bir perspektivi yoxdur"
Deputat Qüdrət Həsənquliyevin yaxın dostu-şəriki Oqtay Abuzərov “Demokrat.az” xəbər saytının baş redaktoru Vasif Həsənlini məhkəməyə verib.
Vasif Həsənlinin vəkili Ceyhun Yusifov açıqlamasında bildirib ki, bu gün Oqtay Abuzərov tərəfindən “Demokrat.az” saytına qarşı xüsusi ittiham qaydasında Nərimanov Rayon Məhkəməsinə müraciət etmişdilər: “İşdən də göründüyü kimi, Cinayət Prosessual Məcəlləsinin 293-cü maddəsinin tələbləri pozulmaqla hazırlanıb. Məhkəmə prosesində xüsusi ittihamçının iştirakı olmayıb və bu səbəbdən məhkəmə təxirə düşüb. Qeyd edək ki, burada nəinki xüsusi ittihamın predmenti, heç həmin işin mülki, hüquqi prespektivi belə yoxdur”.
Vəkil Ceyhun Yusifov qeyd edib ki, mübarizəmiz hüquqi müstəvidə sona qədər gedəcək: “Yenə də bir daha Milli Məclisin deputatı Qüdrət Həsənquliyevə müraciət edərək bildirir ki, bu məsələ ilə bağlı hər hansı bir hüquqi müstəvidə səlahiyyətlərindən və əlaqəsindən istifadə edib.
“Demokrat.az” saytına qarşı edəcəyi həmlə nə onun statusuna, nə də ki bizim fəaliyyətimizə uyğun deyil. Hesab edirik ki, kifayət qədər arqumentlərlə məhkəmədə hər şey ortalığa qoyulacaq. Odur ki, tərəfləri bir daha sülhə dəvət edirik, əsasən də, Qüdrət Həsənquliyevi”.
