"Olympus Park" türk iş adamlarını necə aldadır? - ŞOK İDDİA

“Olympus” park tikinti şirkəti xarakterik fırıldaq piramidası qurub. Belə ki, şirkətin daxilində qurulan piramida şəbəkəsinin fəaliyyəti iş adamlarını aldadılmasına və onların sərmayələrinin mənsimsənilməsinə  yönəlib. 

Bu barədə Demokrat.az-a daxil olan məlumatda bildirilir. 

Məlumatda qeyd olunur ki, “Olympus park”da piramida şəbəkəsinin başında şirkətin rəhbəri Rafael Qarayev dayanır. İndiyə qədər 37-dən çox ortağı olan “Olympus park” şirkətinə tanınmış iş adamları aldadılaraq cəlb edilib. Eyni zamanda “Olympus park” şirkətinin müxtəlif fırıldaq əməllərlə işə cəlb etdiyi şəxslər içərisində xeyli sayda türk iş adamları da var. 

Şirkətin ölkə üzrə həyata keçirdiyi layihələr ciddi risklər formalaşdırır. Belə ki, “Olympus park” şirkətinin qeyri-qanuni addımları nəticəsində ölkədə xeyli sayda narazı insanların təbəqəsi formalaşıb. Narazı, aldadılan insanların hüquqlarının təmin edilməməsi R.Qarayevin qol-qanadını daha da açır. O, özünün geniş əlaqələrindən və maddi imkanalrından istifadə edərək vətəndaşlarla dövlət arasında dərin çat yaradır. 

Şirkətinin “28 May” ünvanındakı apardığı tikinti işləri zamanı ağacları kəsməsi də redaksiyamıza daxil olan məlumatların sırasındadır. Hətta buna görə şirkətə cinayət işi açılıb. Bunu sübut edən rəsmi sənədlər də var. Məsələ bundadır ki, Nərimanov layihəsi ilə bağlı da şirkətə cinayət işi açılıb. Çünki şirkət vətəndaşa məxsus əmlakı onun icazəsi olmadan söküb və bu günə qədər razılıq əldə edilməyib. Bunu sübut edən məhkəmə qərarı var.
Xətai rayonunda kompleks tikilən zaman “Lider” idman klubu qanunsuz olaraq sökülüb və sahibinə aid əşyalar dağıdılıb. Bu hadisə ciddi ictimai müzakirələrə də səbəb olmuşdu. 

İddia olunur ki,şirkətin 7-ci mikrorayondakı tikinti ərazisində apardığı işlərlə bağlı azərbaycanlı kemiş bankir və Türkiyənin məşhur iş adamlarından biri də aldadılıb. Belə ki, bu şəxslərin pulları alınıb, mənimsənilib. 

Göründüyü kimi, “Olympus park” şirkətinin Bakının müxtəlif rayonlarında reallaşdırdığı heç bir layihə uğurla nəticələnmir. Nəticədə ya insanların hüquqları tapdalanır, ya iş adamları aldadılır. 

Çapayev ərazisində pilot layihədə sakinlər hələ də süründürülür, etirazları dəfələrlə mətbuatda dərc olunub. “Kubinka” deyilən ərazidə də  oxşar hal yaşanır. Dolandırıcılıq, küllü miqdarda pul mənimsəmə, qoçuluq və s.

“Olympus park” şirkətinin qanunsuz addımları o həddə açtıb ki, Badamdar ərazisindəki tikinti işlərini məhkəmə dayandırıb. Məhkəmə qarşı tərəfin lehinə qərar çıxarıb və nəticədə R.Qarayev uduzub. 
Əslində şirkət tamamilə çöküb. Ancaq qurulan piramida şəbəkəsi sayəsində özünü sağlam göstərməyə çalışır. Fakt budur ki, şirkətin bütün layihələrində işlər dayanıb. 

Rəfael Qarayev məşhur iş adamına külli miqdarda pul “atıb”

Məsələ ilə bağlı iş adamı Hacı İbrahim Nehrəmli ilə əlaqə saxladıq. O, saytımıza açıqlamasında bildirdi ki, bəli, həqiqətən də Rafael Qarayevin mənə borcu var:

"Bəli, həqiqətən də Rafael Qarayev bizə aid olan şirkətin ona satılması üçün müraciət etmişdi. Və belə razılaşdıq ki, şirkətin 50 faizini ona verək. O, ilkin 50 faizin ödənişlərini problemsiz icra etdi. İkinci 50 faizi isə ödəniş olmadan bizdən istədi və kişi sözü verdi ki, pulu vaxtında odəyəcək. Bundan sonra isə onunla əlaqə saxlamaq mümkün olmadı. Telefon zənglərimizə cavab vermədi. İndi də təsisçilərimiz ondan şikayətçidir. Pullarını geri alıb-almayacağı hələ ki sual altındadır. Hamı kimi mən də eşidirəm ki, Rafael Qarayevlə bağlı şikayətlər var, onun çoxsaylı şərikləri ilə olan münaqişəsini mən də eşitmişəm. Amma işin içərisində olmadığım üçün dəqiq bir söz deyə bilmirəm. Ancaq bu cür hərəkətləri iş adamına yaraşdırmıram".

Hacı İbrahim Nehrəmli Rafael Qarayevin siyasətə qoşulması və siyasi partiya yaratmaq istəyi ilə bağlı iddialara da münasibət bildirib: 

"Mən nə deyə bilərəm?! Bir adamın ki, ağlı başında və çoxlu pulu ola, həm də xeyli məmur şərikləri ola, adam niyə siyasi fikrə düşməsin ki. Əlbəttə ki, düşəcək. İndiyədək məni bu həyatda heç kim aldada bilməyib. Əgər bu adam məni aldada bilibsə, inanıram ki, çox "qabağa" gedəcək. Piramidanın hansı nöqtəsində yıxılacaqsa, onu deyə bilmərəm. Amma mən bilirəm ki, adam siyasi ambisiyalarla yaşayır. Bu gedişatla ona da nail olacaq".

R.Qarayevin Ukraynanın Kiyev şəhərinə qaçdığı ilə bağlı sensasion məlumat da əldə etmişik. Deyilənə görə iş adamlarını dolandıran şirkət rəhbəri yatırımı xarici ölkəyə etməyi düşünür. 

Məsələni diqqətdə saxlayacağıq...

AZSİYASET.COM