Mahir Abbaszadə haqqında yazılan xəbərləri pulla sildirir - 3 manatdan 5 min manata qədər pul paylayır

Bir neçə gün bundan öncə deputat Mahir Abbaszadə bahalı saat kolleksiyası ilə media gündəminin əsas manşetini zəbt etmişdi. Deputatın saat kolleksiyasında "Patek Philippe" və "Rolex" kimi qiyməti yüz min dollarla ölçülən saatların olduğu bildirilirdi. Heç şübhəsiz, deputatın saat kolleksiyası barədə yazılanlar tamamilə həqiqəti əks etdirirdi. Elə buna görə də o, medianın suallarından qaçmağa üstünlük verdi.

Bəs ardınca nə baş verdi?

Azsiyaset.com-un redaksiyasına daxil olan məlumata görə, M.Abbaszadə müxtəlif şəxslərin vasitəsilə bir neç sayta pul paylayaraq haqqında yazılan məqalələri sildirməyə nail olub. Müxtəlif media qurumlarına 300 manatdan tutmuş 5 min manata qədər pul paylayan deputat üçün ən “optimal” yol elə bu olmalı idi. O, bundan əvvəl də şəhid bulağında arağı soyutması və qardaşının həbsi ilə gündəmə gəlmişdi.

P.S. M.Abbaszadənin pulla satın aldığı saytların bir çoxunun adı redaksiyamıza bəllidir. Siyahını tam şəkildə əldə etdikdən sonra dərc edəcəyimizə əmin ola bilərsiniz.

Qeyd edək ki, xəbər saytlarının deputatın pul oyunlarında iştirak etməsi "Media haqqında" yeni qanun layihəsinə də, jurnalistika prinsiplərinə də ziddir. 

Elşad Aslanov,

Azsiyaset.com