"Aslan İsmayılovu məhkəməyə verdik və udduq" - AFFA rəsmisi
AFFA-nın icraçı vitse-prezidenti Elxan Məmmədov tanınmış vəkil Aslan İsmayılovu məhkəməyə vermələrinə münasibət bildirib.
"Azsiyaset" xəbər verir ki, AFFA-nın icraçı vitse-prezidenti bu gün keçirdiyi mətbuat konfransında bildirib:
“Həmin şəxs sosial şəbəkədə AFFA rəhbərliyini, işçilərini əsassız ittiham etmişdi. Sübutsuz, əsas olmadan belə açıqlamalar qeyri-peşəkarlıq deməkdir. Biz də susa bilmərik. Tanınmış insandır, televiziyalara çıxır, tez-tez açıqlama verir. Bu üzdən belə ittihamlar biz tərəfdən qəbul olunmur. AFFA əməkdaşlarının əksəriyyəti fərdi olaraq onu məhkəməyə vermək istəyirdi. Hamı onu məhkəməyə vermək istəyirdi. Dedik ki, lazım deyil, qurum olaraq iddia qaldırdıq və məhkəməni udduq. Əsassız kimsə kimisə ittiham edirsə, cavab verməlidir. Məhkəmə işi də təxminən 3 ay sürdü. Mən düşünürdüm ki, niyə belə uzun çəkdi? Məhkəmə yəqin ki, sübutları, əsasları gözləyirdi. Sonda düzgün, ədalətli qərar qəbul etdi”.
