"Qarabağda nə baş verir? - Yük maşınlarımız geri qaytarıldı

Bölgədəki qanunsuz erməni silahlıları Suqovuşandan hərəkət edən Azərbaycan hərbi kalonunun qarşını kəsərək hərbçilərimizi Kəlbəcərə buraxmayıb.

Bu haqda sosial şəbəkələrdə məlumat yayılıb. Xəbərə görə, əraziyə gələn Rusiya Federasiyasının sülhməramlı kontingentinin danışıqları da heç bir nəticə verməyib.

Hərbi texnikanın bir qismi yenidən geri Suqovuşana qayıdıb.

İddia olunur ki, 1 həftə öncə də eyni hal baş verib və tikinti materialları aparan Azərbaycan kalonu bölgədəki qanunsuz erməni hərbçiləri tərəfindən Kəlbəcərə buraxmamışdı.

Qeyd edək ki, 2020-ci ilin 25 noyabrında azad edilən Kəlbəcər rayonuna giriş sadəcə 4 istiqamətdəndir. Bunlardan birincisi Ömər aşırımı vasitəsilə Yanşaq kəndindən keçərək gedən yoldursa, ikinci yol da Laçın istiqamətindən gələn Laçın-Oğuldərə-Zülfüqarlı yoludur. Şimaldan keçən yol oktyabrdan maya qədər bağlı olduğuna görə, bölgəyə gedən ən alternativ yol Suqovuşan istiqamətindən keçərək Ağdərə-Heyvalı-Kəlbəcər yoludur ki, bu yola da hazırda slühməramlılar nəzarət edir və həmin ərazidə qanunsuz erməni silahlı birləşmələri hələ də mövcuddur.

Sonuncu yol isə Basarkeçər-Kəlbəcər yoludur ki, bu yol da hazırda bölgə üçün elə də böyük bir önəm daşımır.