10 min rubl "hədiyyə": Rusiyanın məqsədi nədir? - Vişnevski şərh edir
Peterburq Qanunvericilik Məclisinin deputatı Boris Vişnevski hesab edir ki, tanınmamış Donetsk və Luqansk “xalq respublikaları”əhalisinin təcili təxliyəsi müharibə təxribatıdır.
Bu barədə deputat “Kontakt”-da yazıb.
“Təcavüzkar həmişə hücumdan əvvəl belə təsəvvür yaradır ki, o, yalnız «cavab verməyə» məcburdur. Əslində isə o, “təmiz və zərif tüklüdür”. Bizi inandırmaq istəyirlər ki, təxribatı Ukrayna hakimiyyəti törədib. Ona görə də 150 min Rusiya hərbçisi Ukrayna sərhədinə düzülüb, Rusiya Prezidenti Vladimir Putin ballistik və qanadlı raketlərlə “təlim” elan edib. İndi də onlar Donbassın güclə boşaldılmasına başlamağa qərar veriblər. Başqa sözlə, bizi inandırmaq istəyirlər ki, Ukraynanı özünə qəsd edənlər idarə edir” – deyə, deputat yazır.
O, 700 min insanın təxliyəsini və Rusiya büdcəsindən onların hər birinə 10 min rublun ayrılmasını qeyri-rasional qərar hesab edir: “Rusiyanın özündə real fəlakət baş verəndə kim xatırlayır ki, prezident belə kosmik sürətlə kömək göstərmək və qurbanlar üçün pul ayrılması üçün qərar qəbul edib?”
O, hesab edir ki, «biabırçı tamaşa oynanılır».
“Yavlinski deyəndə ki, müharibə ilə qorxutmaq, “DXR” və “LXR”-ın tanınmasına çağırışlar - onun sübutudur ki, əslində Donbass sakinlərinin həyat və taleyi Rusiya hakimiyyəti üçün əhəmiyyətsizdir. Onların məqsədi insanları müdafiə etmək yox, Kiyevi diz üstə qoymaqdan ibarətdir” – deyə, Boris Vişnevski yazıb.
