Azərbaycandan Ukraynaya böyük dəstək
26 fevral, 2022 22:08
Azərbaycan Dövlət Neft Şirkəti (SOCAR) Ukraynada yerləşən yanacaqdoldurma məntəqələrinə göstəriş verib.
Göstərişə əsasən, Ukrayna şəhərlərində SOCAR yanacaqdoldurma məntəqələrində təcili yardım, yanğınsöndürən və digər humanitar sahələrə aid maşınlara yanacaq pulsuz verilir.
Bu, Ukrayna xalqına böyük dəstəkdir və Azərbaycan dövləti tərəfindən Ukraynanın haqq davasının dəstəklənməsinin göstəricisidir.
Xatırladaq ki, bir saat öncə Ukrayna dövlət başçısı Volodimir Zelenskinin Azərbaycan Prezidenti İlham Əliyevə zəng edərək humanitar yardımlara görə təşəkkür etməsi ilə bağlı rəsmi məlumat yayılıb.
