Rusiya-Ukrayna müharibəsində ən çox itirən Azərbaycan əsilli milyarderdir

Əslən Azərbaycandan olan milyarder Vahid Ələkbərov Rusiya-Ukrayna münaqişəsindən ən çox zərər görən biznesmen hesab olunur.

“Bloomberg” xəbər verir ki, 22 rus milyarder arasında ən çox zərər görən Vahid Ələkbərovdur.

Belə ki, ilin əvvəlindən indiyə qədər V.Ələkbərovun sərvətinin 14 milyard dolları, yaxud 61.4%-i “havaya sovrulub”.

“Lukoil” neft şirkətinin Londonda satılan səhmləri bazar ertəsi günü 62.8% ucuzlaşıb.

Qeyd edək ki, Vahid Ələkbərov Bakı şəhərində anadan olub. V.Ələkbərov dünya neft hasilatının təqribən 2%-ni birjaya çıxaran “Lukoil” şirkətinin prezidentidir.

Moskvada yerləşən bu şirkətdə 100 000-dən çox işçi çalışır. Şirkət 2020-ci ildə 72,2 milyard dollar gəlir əldə edib.

Vahid Ələkbərov həmi vaxt 5 milyard dollardan artıq dividend toplayıb. O, həmçinin Moskvanın "Spartak" futbol komandasının sahibidir.