İndiyə qədər Ukraynadan çıxarılan azərbaycanlıların sayı qədərdir?
“Ukraynada yaranmış vəziyyətlə əlaqədar azərbaycanlıların ölkəmizə təxliyəsi gündəmə gəlib. İlk 24 saat ərzində vətəndaşlarımız yalnız quru yolundan istifadə edərək həmsərhəd dövlətlərə keçidi mümkün idi”.
Bunu Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva deyib.
XİN rəsmisinin sözlərinə görə, vətəndaşlarımız Moldova, Polşa, Slovakiya, Rumıniya və Macarıstan istiqamətindən keçərək Ukraynanı tərk edə bilər.
"Viza rejimi ləğv edilib. Bu günə kimi 4000-ə qədər azərbaycanlı sərhədi keçib. İndiki vəziyyətdə hərbi əməliyyatların davam etdiyi ərazilərdən azərbaycanlıların təxliyəsi vacib məsələdir. Dünən artıq Xarkovdan azərbaycanlılar qatarla çıxarılıb, 800-dən çox azərbaycanlı Xarkov Moldova istiqamətində yola düşüb” - deyə L.Abdullayeva vurğulayıb.
