Yardımlı RİH ittihamlara cavab verdi
Bəzi saytlarda Yardımlı rayonunda 0,60 hektar yaşıllıq ərazinin - parkın rayon sakini Seyfəddin Alışanov adlı şəxsə satıldığı ilə bağlı məlumatlar dərc edilib.
Səslənən iddialara Yardımlı Rayon İcra Hakimiyyəti cavab verib.
Azsiyaset.com Yardımlı RİH-in məlumatını təqdim edir:
"Yardımlı rayonu Qabaqdibi kənd sakini, şəhid atası Alışanov Seyfəddin Seyfulla oğlu sahibkarlıq fəaliyyəti ilə məşğul olmaq üçün torpaq sahəsinin ayrılması ilə bağlı Yardımlı RİH - nə müraciət etmişdir. Araşdırma zamanı aydın olmuşdur ki, Seyfəddin Alışanovun istədiyi torpaq sahəsi Rayon Polis Şöbəsinin inzibati ərazisinə daxildir. Ona görə S.Alışanova digər yerdən torpaq sahəsi təklif edilmişdir. S.Alışanov rayon polis şöbəsinin ərazisində cüzi torpaq işləri aparmış. Ona müvafiq izahat verdikdən sonra həmin ərazidə torpaq işlərini dayandırmışdır. Vətəndaşa Köryədi bələdiyyəsinə aid digər yerdən torpaq sahəsi ayrılmış, hüdudları göstərilmişdir".
