Cüdoçu şəhidlərin xatirəsinə həsr olunan idman turniri keçirildi - FOTOLAR
Bu gün Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Elmi Araşdırmalar İctimai Birliyinin təşkilatçılığı ilə idman turniri keçirilib.
"Vətən Müharibəsinin cüdoçu şəhidlərinin xatirəsinə həsr olunmuş idman turniri"ndə 250 idmançı, media nümayəndələri, Vətən müharibəsi qaziləri və QHT Dövlət dəstəyi Agentliyinin əməkdaşı Ülkər Süleymanova iştirak edib.
Öncə Azərbaycan Respublikasının dövlət himni səsləndirilib. Daha sonra şəhidlərimizin ruhu bir dəqiqəlik sükutla yad edilib.
Turniri giriş sözü ilə açan Elmi Araşdırmalar İctimai Birliyinin sədri Telman Qasımov vətənpərvərlik ruhunun təbliğinin vacibliyindən danışaraq idmançılara uğurlar arzulayıb.
QHT Dövlət dəstəyi Agentliyinin əməkdaşı Ü.Süleymanova idmançılara xoş arzularını çatdıraraq bu tip tədbirlərin əhəmiyyətini vurğulayıb.
Turnirin qalib idmançıları mükafat və diplomlarla təltif olunublar. İdmançılara diplomları Vətən müharibəsi qaziləri təqdim ediblər.
