Rusiya ilə sərhəddə toplaşan soydaşlarımız acınacaqlı vəziyyətdədirlər - VİDEO

Rusiya ilə sərhəddə toplaşan Azərbaycan vətəndaşları aclıqdan və susuzluqdan ölmək təhlükəsi ilə üz-üzə qalıblar. 

Bu barədə məlumatı Demokrat.az-a orada yaşayan soydaşlarımız verib. Bildirilib ki, sərhəddə qalan azərbaycanlılara dövlət tərəfindən qalmaq üçün 350 nəfərlik xüsusi yerlər ayrılsa da, bu, onlara bəs etmir. Buna səbəb isə sərhəddə qalan soydaşlarımızın saylarının həddən artıq çox olmasıdır.

Sərhəd açılmadığına görə, vətəndaşlarımızın sərhəddə böyük problemlərlə qarşılaşdığı və çoxlarının soyuq havada çöldə yatmaq məcburiyyətində qaldıqları vurğulanıb.

Qeyd olunub ki, Moskvada olan “Bizim qardaşlıq” qrupu sərhəddə ehtiyac içində olan soydaşlarımıza 1500 dollar civarında ərzaq yardımı edib.  Lakin bu o qədər də kifayət etmir, çünki vətəndaşlarımız ərzaq və yer baxımından ciddi əziyyət çəkirlər.

Aynurə Pənahqızı

Demokrat.az