Kreml Mixail Delyaqinin Azərbaycanla bağlı açıqlamasına münasibət bildirdi
29 mart, 2022 16:29
“Dövlət Dumasının deputatı Mixail Delyaqinin Rusiyanın Bakının neft yataqlarına zərbələr endirməsi ehtimalı ilə bağlı sözləri heç bir halda Moskvanın siyasi xəttinə uyğun deyil”.
Bunu Rusiya Prezidentinin mətbuat katibi Dmitri Peskov deyib.
Xatırladaq ki, M. Delyaqin öz rəsmi teleqram kanalında Azərbaycanla bağlı sorğu yerləşdirərək izləyicilərdən Azərbaycanın neft sənayesinin məhv edilməsi üçün taktiki nüvə silahından istifadə olunmasını düzgün hesab edib-etmədiklərini soruşub.
Cavablar arasında “Bəli, lazımdır” 28%, “Bəli, lakin Azərbaycan mafiyasının Rusiya hakimiyyətinə təsiri səbəbindən bu, mümkün deyil” 13%, “Xeyr, bu yolverilməzdir” isə 59% səs toplayıb.
