"Kim bizi Qarabağdan qovmağa çalışsa..." - Rusiyalı politoloq
"Bu yaxınlarda Avropa Şurasının rəhbəri Şarl Mişelin vasitəçiliyi ilə Brüsseldə keçirilən məsləhətləşmələrə baxmayaraq, Rusiyasız Ermənistan və Azərbaycanın razılığa gəlməsi son dərəcə çətin olacaq".
"Armenian News" xəbər verir ki, bunu rusiyalı politoloq Sergey Mixeyev deyib.
Onun szölərinə görə, Aİ Şurası prezidenti Şarl Mişelin təkliflərində yenilik yoxdur:
“Ona görə də, hesab edirəm ki, Rusiya bu prosesdə qalacaq. Nizamlanmanın yekun konturları necə olacaq - mən proqnoz verməyə hazır deyiləm. Ümumiyyətlə, Qarabağ münaqişəsi bizim ümumi düşmənlərimiz üçün böyük uğurdur”.
S.Mixeyev deyib ki, Cənubi Qafqaz və bir çox başqa məsələlər Rusiyanın diqqət mərkəzindədir.
“Bu, gələcəklə bağlıdır. Ukraynada hər şey necə bitsə də, bu məqam bizi maraqlandırır. Ermənistanla Azərbaycan arasında problemin həllinə gəlincə, təbii ki, bu, ilk növbədə, Bakı və İrəvanın necə razılaşa bilməsindən asılıdır, lakin Rusiya bu prosesdən çıxmağa hazırlaşmır”.
O əlavə edib ki, Rusiya sülhməramlıları geri çəkilməyib, heç yerə getməyiblər, onlar birbaşa quruda əsas rol oynamağa davam edəcəklər.
“Kim onu bölgədən qovmağa çalışsa, bunu bacarmayacaq”, - deyə politoloq vurğulayıb.
O, Ukrayna böhranının Ermənistan və Azərbaycan arasında danışıqların vəziyyətinə birbaşa təsir etmədiyinə əmin olduğunu bildirib:
"Hələlik Rusiyanın bu məsələyə fasilə verəcəyi nəzərə çarpan deyil"
