rmənilər yenə Kəlbəcərdə Pasxanı bayram ediblər
Separatçı erməni keşişləri birdəfəlik oradan qovulmalı və əvəzində Azərbaycan tərəfindən təyin olunmuş dini icma daimi olaraq məbəddə yerləşdirilməlidir...”
Dünən – aprelin 18-də xəbər verdiyimiz kimi, Qarabağdakı ermənilərin yenidən Kəlbəcərdəki Xudavəng məbədimizi ziyarət etməsi haqda xəbərlər yayılmışdı. "Qarabağın 10-dan çox kilsəsində, o cümlədən 30 nəfər sülhməramlıların müşayiəti ilə getdiyi Dadivank (Xudavəng-S.L.) monastırında Pasxa mərasimləri keçirilib".
Bunu erməni apostol kilsəsinin "Artsax" yeparxiyasının nümayəndəsi "Kavkazskiy uzel" nəşrinin müxbirinə bildirmişdi. Lakin həmin informasiyanı nə Azərbaycan tərəfi, nə də Rusiyanın Azərbaycan torpaqlarındakı "sülhməramlı" hərbi kontingentinin komandanlığı təsdiqləmişdi. Amma dünən axşam saatlarında Rusiya Müdafiə Nazirliyi öz rəsmi saytının “sülhməramlı”lara aid bölməsində 18 aprel 2022-ci il tarixinə dair bülletendə Rusiya hərbçilərinin “zəvvarlar”ı Xudavəng məbədinə ziyarətini müşayiət etdiyini təsdiqləyib.
Həmin məlumatda belə deyilir: “....zəvvarların Dadivank (Xudavəng-S.L.), Amaras və Gandzasar (Gəncəsər-S.L.) monastırlarına müşayiət olunması təmin edilib.” Görünür, Rusiya MN Azərbaycan oxucusunun diqqətini çəkməmək üçün bu məlumatı məhz aprelin 17-də, yəni ermənilərin Pasxa bayramını qeyd etdiyi tarixdə yaymayıb.
