"Gerçəkdən hələ ki, Şuşa bəyannaməsinin önəmi sonadək anlaşılmayıb" - Sabiq səfir
"Şuşa bəyannaməsi Türkiyə ilə Azərbaycan arasında müttəfiqliyin "kupça"sıdır. Bu bəyannamə Türkiyə və Azərbaycanın bir millət, iki dövlət olmasının elanıdır. Şuşa bəyannaməsi Türkiyə ilə Azərbaycan arasında ən böyük, ən önəmli sənətdir. Tarixə söykənməkdədir, Şuşada imzalanıb, Prezidentimizin Şuşaya səfər etməsi tarixi bir önəm daşımaqdadır. Bu sənəd bir dərs kitabı kimidir, bunu bütün dərsliklərə salmaq lazımdır”.
Bunu açıqlamasında Türkiyənin Azərbaycandakı sabiq səfiri, İMZA Sosial İnkişafa Dəstək İctimai Birliyinin Türkiyə nümayəndəsi Hulusi Kılıç bildirib. H.Kılıç deyib ki, bu bəyannamə iki ölkə arasında münasibətlərin daha da güclənməsinə töhfə verəcək:
"İlk öncə bu bəyannamə tərəflər arasında münasibətlərin daha da genişləndirilməsi istiqamətində yol çizməkdədir. Türkiyə-Azərbaycan əlaqələri 15 iyun 2020-ci ildən sonra yol xəritəsidir. Ayrıca tərəflərdən hər hansı birinin müstəqilliyinə və torpaqlarına üçüncü bir dövlət tərəfindən təhdid və hücum olarsa, tərəflər o zaman bir-birilərinə lazım olan köməyi edəcəklər. Ermənistanın otuz il davam edən hücumlarına son verilməsi, işğal edilən torpaqlarının azad edilməsində Azərbaycan Türkiyənin dəstəyini yüksək dəyərləndirməkdədir. Türkiyə və Azərbaycanı birləşdirən Zəngəzur koridorunun açılması, Naxçıvan Kars dəmir yolunun münasibətlərin yüksəlməsinə töhfə verəcəyi bildirilib. Bu səbəbdən Zəngəzur kəlməsi üç dəfə yer almaqdadır. Türkiyə və Azərbaycan arasında imzalanan sənədlərdə də ilk dəfə Zəngəzir kəlməsi qeyd olunur. Yenə tərəflər bölgədə təhlükəsizliyin təmin olunması istiqamətində çalışırlar. Terror, qaçaqmalçılıq hallarına qarşı birgə çalışacaqlar.
Ermənistanın Türkiyəyə qarşı əsassız iddiaları bölgədə münasibətlərə zərər verir. Tərəflər iki dövlət arasında imzalanan bu bəyannamənin üçüncü dövlətə qarşı olmadığını bəyan edirlər. Türkiyə-Azərbaycan arasında birlik üçüncü dövlətə qarşı deyil. Beynəlxalq Təşkilatlarla da əməkdaşlığa üstünlük verilir. Şuşa bəyannaməsinin mənası anlaşıldıqca, bir ortaq bayram kimi qeyd olunacaq. Bunu arzu edirəm. Gerçəkdən hələ ki, Şuşa bəyannaməsinin önəmi sonadək anlaşılmamışdır. Bu baxımdan bizim üçün Şuşa bəyannaməsi mükəmməl bir fürsətdir”.
