Gürcüstan hökumətinə 1 həftə vaxt verildi...
"Baş nazir İrakli Qaribaşvili istefa verməlidir".
Bunu ötən gecə Gürcüstanın paytaxtı Tbilisidəki izdihamlı mitinqdə çıxış edən müxalif düşərgə təmsilçisi Şota Diqmelaşvili deyib.
O, hökumətə istefa üçün bir həftə möhlət verib.
"İrakli Qaribaşvili istefa verməli və qış gələnə qədər Aİ-nin tövsiyəsinin bütün 12 bəndini yerinə yetirəcək milli razılıq əsasında hökumət qurmalıdır. Biz hökumətə möhlət veririk. İvanişvili hökumətini vəzifədən uzaqlaşdırmaq və ikinci şərti yerinə yetirmək üçün hökumətin 1 bir həftə vaxtı var. Əgər hökumət və Bidzina İvanişvili gürcü xalqının iradəsinə əhəmiyyət verməsə, biz daha böyük izdihamla buraya toplaşacağıq və gürcü xalqının qəzəbini onlara göstərəcəyik", - deyə 24 iyun mitinqinin təşkilatçılarından biri Şota Diqmelaşvili qeyd edib.
