İcra başçısının müavini məktəbli qızı döydü - FOTOLAR
15 iyul, 2022 11:37
Azərbaycanda məktəbli fiziki zorakılığa məruz qalıb.
Azsiyaset.com xəbər verir ki, bu barədə Azərbaycan Uşaqlar Birliyinin sədri Kəmalə Ağazadə məlumat paylaşıb.
"Bu fotolar sığınacaq uşaqlarının deyil... Mənə göndərən şəxs iddia edir ki, bacısı qızını bu hala salan Lənkəran İcra Hakimiyyəti başçısının müavini Rəsilə Əliyeva və Lənkəran 4 saylı orta məktəbin direktoru Yeganə Əsgərova (Babayeva) olub.
Məktəblini attestatı vermək adı ilə evə çağırıb evdə fiziki zorakılıq tətbiq ediblər.
Səbəb isə Rəsilə Əliyevanın qızının telefonundan istədiyi oğlana mesaj yazması olub. Deyilənə görə, öz qızını da döyüb, amma belə yox”.
Məsələ ilə bağlı Rəsilə Əliyeva ilə əlaqə saxlasaq da, açıqlama almaq mümkün olmayıb.
