"Dxr" və "Lxr"in müstəqilliyini niyə tanımıram? - Lukaşenko
Belarus Prezidenti Aleksandr Lukaşenko Rusiya ilə yüksək səviyyədə münasibətlərə baxmayaraq, Krımın ilhaqı və “dxr” və “lxr”in “müstəqilliyini” rəsmi olaraq niyə tanımamasına aydınlıq gətirib.
Bu barədə Lukaşenko “Frans Press”ə açıqlamasında deyib.
O bildirib ki, bununla bağlı heç bir zərurət olmayıb:
“Bu, Luqans, Donetsk və Krıma əlavə heç nə verməyəcək. Ancaq Luqansk, Donetsk və Krıma yemək, kərpic, sement lazım olsa, biz onlara kömək edəcəyik. Lazım olacaqsa, tanıyacağıq - əgər bu, hansısa məna kəsb etsə. Ancaq bu gün tanıyıb-tanımamaq heç bir məna kəsb etmir. Biz faktiki olaraq onlarla əməkdaşlıq edirik. Necə ki, siz əslində Ukrayna ilə əməkdaşlıq edirsiniz və artıq Ukraynanı hissələrə bölmüsünüz. Siz fransızlar, məncə, Kiyev vilayətini bərpa etmək istəyirsiniz? Yəni siz artıq Ukraynanı parçaladınız və bərpa edəcəksiniz. Mən də Luqanska və Donetskə kömək edəcəyəm. Krıma kömək edəcək. Biz onlarla əməkdaşlıq edirik, bunu gizlətmirik.
Başqa sözlə, de-fakto Krım, Luqansk və Donetski tanımışıq. Ona görə ki, onlarla əməkdaşlıq edirik. Bütün bunlar boş söhbətdir: “Lukaşenko niyə onu tanıdı, bunu tanımadı...” Lazımdırsa – prezident sərəncamı ilə tanıyacam. Əgər lazım olsa. Amma indi bu, əlavə heç nə gətirmir. Bu, təxminən “Lukaşenko Ukraynada vuruşacaq, ya yox” söhbətlərinə bənzəyir. Tutaq ki, mən Rusiyanın Ukraynadakı əməliyyatına qoşuldum. Mən buna nəsə əlavə edəcəm? Yox. Silahlarımız Rusiyadakı kimidir. Onların hərbçiləri vuruşmaq üçün kifayət qədərdir. Biz orda sadəcə lazım deyilik”.
