Ermənistan Gürcüstandan nə xahiş edib?
Ermənistan hökuməti Gürcüstandan ərzaq və tez xarab məhsullar baxımından bu ölkənin tranzit yüklərini daşıyan Lars sərhəd keçid məntəqəsinə alternativ olaraq dəniz nəqliyyatına baxmağı xahiş edib.
TASS xəbər verir ki, bu barədə Gürcüstan Dəniz Nəqliyyatı Agentliyi bəyanat yayıb.
"Gürcüstanın tranzit dəhlizi həddindən artıq yüklənmə rejimində işləməkdə davam edir.
Müvafiq dövlət qurumlarının fasiləsiz, 24 saat işləməsinə baxmayaraq, yük axınlarının idarə edilməsi xeyli mürəkkəbləşir.
Lars sərhəd-keçid məntəqəsi Ermənistan və Rusiya arasında yeganə birləşdirici quru məntəqəsidir ki, buradakı gecikmələr tez xarab olan məhsulların satışı ilə bağlı Ermənistan üçün problemlər yaradır.
Bu problemlərə əsaslanaraq, Ermənistan Gürcüstandan Lars sərhəd keçidinə alternativ olaraq dəniz nəqliyyatını nəzərdən keçirməyi xahiş edib", - deyə açıqlamada bildirilib.
