İranlı diplomat ölkəsinin Türkiyə siyasətini tənqid etdi...
İran Xarici İşlər Nazirliyinin Siyasi və Beynəlxalq Araşdırmalar İdarəsinin Avropa-Amerika qrupunun eksperti Seyid Vəhid Kərimi ölkəsinin Türkiyə və Pakistanla bağlı siyasətinin dəyişdirilməsinin zəruriliyini vurğulayıb.
Bu barədə "Azad İran" Teleqram kanalı bildirib.
Pr. Seyid Vəhid Kərimi bu barədə deyib: “Pakistan və Türkiyə İranın iki güclü qonşusu və ECO təşkilatının mühərriki hesab olunur və bizim üçün xüsusi və fövqəladə əhəmiyyət kəsb edirlər. Qəbul etməliyik ki, təəssüf ki, bu iki qonşu ilə qonşuluq siyasəti qətiyyən fəal və nəzərə çarpan deyil”.
“Türkiyə ilə birlikdə Suriyaya, başqa sözlə, Aralıq dənizinə, Livana, İraqa və öz periferiyamıza dərin nəzarət edə biləcəyimiz halda, niyə bir-birimizə qarşı rəqabətli və qiddiyyətli bir baxış olmalıdır?", - deyə Kərimi bildirib.
O, qeyd edib ki, inqilabın ilk illərində İran Türkiyəni Yunanıstana, Pakistanı isə Hindistana satıb: "Halbuki, bu siyasətin ardınca, Yunanıstan ABŞ-ın bir göz yumması ilə İran gəmilərini və neftini müsadirə edir, Hindistan isə Çabahar limanı da daxil olmaqla,verdiyimiz bir çox güzəştlərə və imtiyazlara baxmayaraq, bizdən xərac tələb edir", - deyə o əlavə edib.
