Rusiyada İran avtomobilləri satılacaq - İdxalın əvəzlənməsi...
İranın həm də lKCO markası kimi tanınan "İran hondro" şirkəti 2023-cü ilin əvvəlindən Rusiyada 2012-ci ildən buraxılan və əsasən, üçüncü ölkələrə satılan, büdcə fransız modeli "Pejo-301"-in bazasında yığılan "Tara" İran avtomobili sedanları ilə ticarət edəcək.
Bu avtomobil artıq Rusiyada MIMS-2022 avtomobil sərgisində təqdim edilib.
Bu barədə İran konserninin Rusiya bazarını əldə etmək planları barədə IKCO sınaq bölməsinin rəisi Bəhruz Əhmədzadə rusiyalı jurnalistlərə danışıb.
Rusiyada İran avtomobilləri ilə ticarət etmək üçün əvvəlki cəhdlər uğur gətirməyib. 2000-ci illərdə bu konsern orada "Pejo-405"-in bazasında yığılan "Samand"ları satmağa cəhd edib. Lakin iş alınmayıb, farsların avtomobil sənayesi Cənubi Koreya və Çinlə rəqabətə tab gətirməyib. "Samand" avtomobili yalnız bir neçə min rusiyalı tərəfindən alınıb, forumlarda bu avtomobilin istismar edilməsi haqqında rəylər, yumşaq desək, xoşagələn olmayıb.
Hazırda Cənubi Koreya avtomobilləri sanksiyalar ucbatından Rusiyaya tədarük edilmir, Çin firmaları da digər ölkələrə ixracla bağlı problemlər yaranacağından ehtiyat edərək Rusiya bazarını tərk edir. Ona görə də Rusiyada əslində yalnız "Avtovaz"qalıb ki, onun da avtomobilləri ("Lada vesta") hazırda 2, 5 milyon rubla, yəni 40 min ABŞ dollarına satılır.
Bu şəraitdə iranlılar rusiyalı alıcının lütfünə ümid edə bilər, bu zaman farsların avtomobil məhsulu nə keyfiyyəti, nə rahatlığı, nə estetik görünüşü ilə fərqlənmir. İran avtomobillərinin rublla qiyməti bəlli deyil, "Hondro" hələ indi-indi Rusiyanın avtomobil bazarında nəzərdən keçirilir. İranda bu avtomobil 19 min dollara satılır.
