Antiinfilyasiya tədbirləri yetərli deyil - Deputat

“Ölkəmizə inflyasiyanın 80%-i xaricdən daxil olur. Ona görə əsas qida məhsulları bahalaşır”.

Bunu açıqlamasında millət vəkili Rüfət Quliyev deyib.

O bildirib ki, nəqliyyat və logistika xərclərinin artması bahalşmaya təsir edən amillərdəndir:

“Pandemiya vaxtı nəqliyyat və logistik şirkətlər 70-75 % müflis oldu. Ona görə də nəqliyyat şirkətlərinin qiymətləri də artıb. Təbii ki, bu da satış qiymətlərinin artımına təsir edir. Azərbaycanda mütəmadi olaraq antiinflyasiya tədbirləri həyata keçirilir. Əlbəttə ki, müəyyən narahatlıqlar var. Bu yaxınlarda müəllimlərin, məktəb direktorlar və müavinlərinin maaşı artdı. Buna indeksasiya deyirlər. İndeksasiya Azərbaycanda bu və ya digər formada ildə bir dəfə olur".

R.Quliyev inflyasiya ilə bağlı mübarizə tədbirlərinə də diqqət çəkib:

"Daxildə istehsal olunan malların sayını, çeşidini artırmaq lazımdır. Eyni zamanda dövlət daha çox kiçik və orta sahibkarlığın inkişafına yer verməlidir. Ümumi daxili məhsulda (ÜDM) kiçik və orta sahibkarlığın yeri Yaponiyada 65%, Almaniyada 65%, Amerikada 60%, Fransa və İtalyada isə 65-70%-ə qədərdir. Dövlətin tutduğu planla 2025-ci ildə Azərbaycanda ümumi daxili məhsulda kiçik və orta sahibkarlığın xüsusi payı 50%-i keçməlidir. Bu rəqəmlər onu göstərir ki, əgər biz bunu vaxtında sürətlə həyata keçirsək, nəticədə qiymətləri cilovlaya bilərik. Qiymətlər cilovlanacaq, inflyasiyanın qabağı müəyyən qədər alınacaq, yerli bazarda yerli malın bolluğu olacaq və əhalinin alıcılıq qabiliyyəti artacaq”.